ОКОЕМОВ АЛЕКСЕЙ НИКОЛАЕВИЧ (1903-1970)

1903 сыллаахха Окойом Күөлүгэр төрөөбүт. Николай Николаевич Окоемов бииргэ төрөөбүт быраата. Нэһилиэккэ советскай былааһы олохтооһун актыыбынай кыттыылааҕа, сир түҥэтигин ыытыспыт. Холбоһуктааһыны тэрийсибит, бастакы колхозка председателлээбит. I Курбуһахха 5 сыл совет председателинэн, 6 сыл ааҕар балаҕан сэбиэдиссэйинэн, партийнай тэрилтэ секретарынан үлэлээбит. 1943 сыл Бороҕон сельпотугар председателинэн үлэлии олорон Кыһыл Армияҕа ыҥырыллан барбыт. 1944 сыл күһүнүгэр дойдутугар эргиллэн кэлбит. 1945 сылтан Курбуһахха партийнай тэрилтэни чөлүгэр түһэрэн секретардаабыт. Уус-Алдан оройуонугар Томторго уонна Дьокуускай куорат Мархатыгар 9 сыл кырдьаҕастар уонна инбэлииттэр дьиэлэригэр директордаабыт.

Пенсияҕа тахсан баран Окойом Күөлүгэр олорон, фермаҕа политическай тэрийээччинэн үлэлээбит.

1965 сыллаахха нэһилиэк Бочуоттаах гражданинын аата иҥэриллибит. 1970 сыллар кэннилэриттэн өлбүт.