ВАСИЛЬЕВ НИКОЛАЙ НИКОЛАЕВИЧ I (1910-1963)

1910 сыллаахха Хоту Сараахха Кустуур диэн сиргэ быстар дьадаҥы кэргэнҥэ төрөөбүг.

Сэрии иннинэ «Кыһыл хардыы» колхоз биир бастыҥ үлэһитэ. Үлэҕэ наһаа дьулуурун, бэйэтин харыстаммакка үлэлиирин иһин «Дьэбир Ньукулай» диир буолбуттар.

Сэриигэ 1941 сыллаахха бастакы хомуурга барбыт. Арҕааҥҥы фроҥҥа алтынньы ый 5 күнүгэр тиийбит. Москва таһынааҕы кыргыһыыга хорсуннук сэриилэспит. Тиһэх кимэн киириигэ граната оскуолкатыгар таптаран, атаҕа тостон туора баран хаалбыт. Хаана күүскэ барбыт. Сиэстэрэ кыыс бэрэбээскэлээбитин кэннэ бэйэтэ сыыллан санчааска тиийбит.

Кыһыл Армия 1941-1942 сылларга кыһыҥҥы дохсун утары кимэн киириитин түмүгэр өстөөх Москваттан быдан ыраах быраҕыллыбыт. Бу кыргыһыыга кыттан Н.Н.Васильев Ийэ дойду киин столицатын чиэстээхтик көмүскээбит.

Сэрииттэн кэлээт колхоһугар үлэлээбитинэн барбыт. Кэргэннэнэр, 4 оҕолонор. Билигин саха хорсун буойунун олоҕун элбэх сиэннэр, хос сиэннэр салгыыллар. 1963 сыллаахха ыалдьан өлбүт.