МЕСТНИКОВ ДМИТРИЙ ВАСИЛЬЕВИЧ I (1910-1942)

1910 сыллаахха төрөөбүт. Аҕата Местников Василий Тимофеевич, ийэтэ Местникова Акулина Михайловна. Олорбут сирдэрэ «Истээх» алаас. Биэс уолунаан «Санаммыт», «Кыһыл хардыы» колхозтары тэрийбиттэр, үлэлээбиттэр. Дмитрий Васильевич бэһис оҕонон төрөөбүт. Сэттэ кылаас үөрэхтээх, күүстээх спортсмен, кинини чиэппэр күүстээҕинэн холууллар эбит. Алдаҥҥа уонна Томпоҕо 3 сыл устата үлэлээн кэлбит.

Тыа сиригэр аан маҥнай трактористар курстара Өлтөх нэһилиэгэр Дьампыга аһыллыбыт. Онно үөрэнэн тракторист буолан Бороҕон промкомбинатыгар үлэлээбит.

1941 сыл атырдьах ыйын 12 күнүгэр бастакы хомуурга ыҥырыллан сэриигэ барбыт. 1942 сыллаахха Орловскай уобалас Ульяновскай оройуонугар Вяльцево дэриэбинэ иһин сэриилэһэ сылдьан өлбүт.

Кэргэннэнэн икки кыыстаммыта өлбүттэр. Онон билигин оҕото суох.