ПУХОВ ВАСИЛИЙ ВАСИЛЬЕВИЧ I (1897-1990)

1897 сыллаахха Ньүөкүнүгэ төрөөбүт. Илин Куладыга абаҕата Василий Петрович Аммосовка (Ардьаах Баһылайга) иитиллибит. Сааһын ситэн, дьиэ-уот тэринэн, кэргэннэнэн Чарыҥытта алаас халдьаайытыгар олохсуйбут.

1929 сыллаахха Ньүөдүрүкү тыа хаһаайыстыбаннай артыалыгар бастакы председателинэн үлэлээбит. 1935 сыллаахха маҥнайгы колхозтаах стахановец аатын сүкпүт.

1939    сылтан Ааллаах-Үүҥҥэ, Моой Ыйаа- быкка таһаҕас таһыытыгар сылдьыбыт.

Сэрии сылларыгар Усть-Кут, Заярскай, Ангара шоссейнай суолугар үлэлээбит. Японияны утары сэрии кыттыылааҕа. Биир дойдулааҕа Карманилов Спиридон Егоровичтыын биир чааска сулууспалаабыттар.

1945    сыллаахха дойдутугар этэҥҥэ эргиллэн кэлээт «Кыһыл хардыы» колхозка үтүө суобастаахтык үлэлээбит. Коммунистическай үлэ ударнига буолбут. Василий Васильевич соҕотох уолуттан 5 сиэннээх уонна 8 хос сиэннээх.

1990 сыллаахха 93 сааһыгар ытык кырдьаҕас ыалдьан олохтон туораабыта.