АММОСОВ ФЕОДОСИЙ ВАСИЛЬЕВИЧ (1924-?)

1924    сыл балаҕан ыйын 10 күнүгэр Илин Сараахха «Сойуолаах» диэн сиргэ төрөөбүт.

Армияҕа барыар диэри Сталин аатынан колхозка араас үлэлэргэ үлэлээбит. Армияҕа 1945 сыллаахха Балаҕаннаахтан төрдүө буолан барбыттар. Забайкальскай байыаннай уокурук 21-с запасной стрелковай полкаҕа сулууспалаабыт. Байыаннай чааска тиийэн баран бастаан үлэҕэ сылдьыбыт. Онтон кыраныыссаны туораан, Кытай сиригэр киирэн, Харбин куоракка байыаннай лааҕырга билиэннэйдэри харабыллааһыҥҥа уонна байыаннай штаб харабылыгар сылдьыбыт.

Дойдутугар 1946 сыллаахха алтынньы ыйга доруобуйатынан сыыллан, демобилизацияланан кэлбит.

Армияттан кэлэн баран, 1950 сылга диэри хонуу араас үлэтигэр сылдьыбыт. Онтон 1950 сылтан бастаан Микоян аатынан колхозка, кэлин «Лена», «Сардаҥа» совхозтарга пенсияҕа тахсыар диэри 30 сыл устата сылгыһытынан үлэлээбит.

Нэһилиэк бочуоттаах гражданина, 3 оҕолоох, сиэннэрдээх.

«Аҕа дойду сэриитин» П-с степеннээх орденынан. «Японияны кыайыы иһин» уонна да атын юбилейнай мэтээллэринэн наҕараадаламмыт.