ВАСИЛЬЕВ АЛЕКСЕЙ АЛЕКСЕЕВИЧ (1921-1974)

1921    сыллаахха төрөөбүт. Үс кылаас үөрэхтээх.1942 сыллаахха армияҕа ыҥырыллыбыт. Японияны утары сэрии кыттыылааҕа.«Японияны кыайыы иһин» уонна «1941-45 сс. Аҕа дойду Улуу сэриитин сылларыгар килбиэннээх үлэтин иһин», 1945, 1947 сылларга бэриллибит мэтээллэрдээх.

И.В.Сталинтан махтал суруктаах. Онно суруллубут: «За отличные боевые действия в борьбе против японских агрессоров, форсирование горного хребта Болыпой Хинган и преодоление безводной монгольской степи Вам объявлена благодарность».

1947    сыллаахха дойдутугар эргиллэн кэлбит. Кэлээт колхозка биир тутаах үлэһит буолбут. Кини ордук буор хаһыытыгар, сүгэнэн маһы кэрдиигэ, оту кэбиһиигэ тэҥнээҕэ көстүбэт хоннохтоох үлэһит эбит. Ол курдук 1952 сыллаахха Ампаардаах алаас Уолба- тын үүммүт сылыгар биир күн 30 тоннаҕа гиийэр оту кэбиспит, Бороҕоҥҥо долгучуок мастан сүгэнэн кэрдэн 10 мЗ маһы саһааннаан туруорбут. Бу биир киһи холугар баһырхай көрдөрүү буолар.

Хорсун буойун, хотуулаах үлэһит Алексей Алексеевич олоҕун 7 төрөппүт оҕолоро, 16 сиэнэ уонна 3 хос сиэннэрэ бүгүҥҥү олоххо салгыыллар. 1974 сыллаахха өлбүт.