ВАСИЛЬЕВ ИВАН ФИЛИППОВИЧ (1925-2004)

1925    сыллаахха Көрдүгэн диэн сиргэ төрөөбүт. Төрөппүттэрэ: аҕата Васильев Филипп Игнатьевич, ийэтэ Васильева Мавра Ивановна Сталин аатынан колхоз колхозтаахтара.

Алта кылаас үөрэхтээх. Сэрии иннинэ колхоз араас үлэтигэр сылдьыбыт.

1944    сыл ыам ыйыгар Советскай Армияҕа ыҥырыллан барбыт. Бастаан Мальта стан- циятыгар биир ый курдук хаһаарыма туттарбыттар. Онтон Япония кыраныыссатыгар илдьибиттэр. Манна «Тамсак-Булак» байыаннай чааска 293 номердаах полка иккис ба- тальонугар 4-с стрелковай ротаҕа кыһын устата байыаннай үөрэҕи барбыт. Байыаннай үөрэх кэнниттэн бэс ыйыгар Хинган хайатыгар сэриилэспит.

Сэрии кэнниттэн билиэн түбэспит япон саллааттарын үлэлэтиигэ харабылга сылдьыбыт.

Японияны кытта сэрии кэнниттэн Монголияҕа икки сыл сулууспалаан «Японияны кыайыы иһин» медаллаах, И.В.Сталин илии баттааһыннаах Бочуотунай грамота- лаах төрөөбүт дойдутугар 1948 сыллаахха эргиллэн кэлбит.

Кэлээт колхозка, кэлин «Лена», «Сардаҥа» совхозтарга араас үлэлэргэ үлэлээбит.

2004 сыллаахха, Ньурба оройуонугар төрөппүт кыыһыгар олорон, ыарахан ыарыыттан өлбүт.

Түөрт оҕолоох, элбэх сиэннээх, хос сиэннэрдээх.