Черноградскай Петр Иванович 1910 сыллаахха төрөөбүтэ. Рядовой. Нам военкоматынан 1943 сыллаахха сэриилэһэр армияҕа ыҥырыллыбыта уонна доруобуйатынан 1944 сыллаахха төннөн кэлбитэ. Кини байыаннай үөрэххэ үөрэнэ сылдьан тобугун чааскы уҥуоҕун өлөрбүтэ. Ол ыарыыта кинини кытта олоҕон устата эҥэрдэһэн, элбэх эрэйи көрбүтэ. Дойдутугар эргиллэн баран колхоз, совхоз үлэтигэр күүһэ кыайарынан кыттыбыта. Сайын от үлэтигэр остуораһынан эбэтэр субай сүөһү бостуугунан, кыһынын үгүс сылларга түүлээхситинэн үлэлээбитэ. Бэртээхэй от охсооччу этэ. Кини Литвинцева Аксиния Николаевналыын 11 оҕону төрөтөн дьон оҥортообуттара. Оҕолор ыал буолан, дьоннорун ааттатар элбэх сиэннэрдээхтэр.