Бурцев Иван Иванович 1943 сылаахха муус устар 14 күнүгэр Хоро нэһилиэгэр үөрэҕэ суох холкуостаах дьадаҥы дьиэ - кэргэҥҥэ төрөөбүтэ.Иван Иванович Чараҥ начаалынай оскуолатыгар 1950 сыллаахха киирэн баран 1956 сыллаахха бүтэрбитэ. Онтон салгыы Бороҕоҥҥо 5 кылааһын бүтэрэн салгыы 6 кылааска үөрэнэн иһэн интернатка ылбаккалар олорор үөрэнэр усулуобуйата табыллыбакка оскуола үөрэҕиттэн букатыннаахтык уурайбыта. 14 -15 саастааҕар Маяк холкуос кытыы учаастагар ферма үлэһитинэн киирбитэ, сайынын бостуугунан үлэлээбитэ. Уһанар дьоҕурдааҕын таба көрөн , 16 сааһын
Туола илигинэ холкуостан күрэтэн Бороҕон профкомбинаатын булларбыттара . Инньэ гынан 16 сааһыттан 1960 сыллаахха тохсунньу 4 күнүгэр промкомбинат столярнай сыаҕар столяр үөрэнээччитинэн үлэҕэ киирбитэ. Уһанарга үөрэтэр киһитэ уурайан атын үлэҕэ барыаҕыттан ылата уус быһыытынан 1961 сылтан үлэтин саҕалыыр. 1963 сыллаахха.
Армияҕа ыҥырыллан барарыгар III разрядаах столяр мебельшик буолбута. 41796 нүөмэрдээх секретнэй строительнэй армияҕа түбэьэн баран, ууһун билэннэр чаас иһигэр уус саллаат быһыытынан сылдьыбыта. Оһоллонон 1965 сыллаахха дойдутугар демобилизацияламмыта. Ити күһүн урукку үлэтигэр киирбитэ. 1969 сыллаахха Намҥа учуутал үөрэҕэр барарыгар столяр мебельшик үрдүкү V –с разрядтаах уус буолбута. Нам педучилищетыгар уус быһыытынан уһанан обургутук туһалаабыта .
Учуутал үөрэҕин кэтэхтэн , бастакы нүөмэрдээх Дьокуускайдааҕы педогогическай училешены , үөрэнэнэн бүтэрбитэ.1970 сылтан уопсайа 36 сыл учууталынан үлэлээбитэ. 1961 -1969 сс Уус – Алдаҥҥа активнай комсомолец этэ. 1965 -1969 сс промкомбинат I - кы сүһүөх комсомольскай тэрилтэтин сэкиритээринэн үлэлээбитэ.
Хоһооннорго ырыа мелодиятын айыынан , 1970 сылтан бэттэх дьарыктаммыта. Республика биллэр мелодистарын кэккэтигэр киирбитэ, самодеятельнэй композитор званиетын ситиспитэ. Ырыалара республиканскай таһымнаах биэс ырыанньык кинигэҕэ киллэриллибиттэрэ, хаһыаттарга бэчээттэммиттэрэ.
Сэргэ оҥорооччу маастар быһыытынан 15-17 сыл устатыгар дьарыктаммыта. Сүүрбэттэн тахса араас сэргэлэри оҥорбута. Олортон 15 - 17 сэргэ адьаһын улуу, улахан уонна уустук оҥоһуулаахтар. Бу үлэлэрэ биир кинигэҕэ, үс фотосурунаалга киирбиттэрэ. Онон Иван Иванович бу үлэтинэн республикаҕа даҕаны , атын дьон үлэлэрин тэҥэ биллэр буолла.
Сүүрбэччэнэн сылларга улууһугар , республикатыгар тиийэ биллэр оһуохайдьыт , уончанан сылларга улууһугар биллэр алгысчыт быһыытынан дьаныһан туран , бу уустук дьарыктары идэ оҥостон дьарыгырар.
1970 сыллаахха олоҕун аргыһын Тамара Терентьевнаны көрсөн ыал буолан 50 сыл бииргэ олороллор Иван Ивановичтаах ыал буолбут үс уол оҕолоохтор , сиэннэрдээхтэр. Иван Иванович сааһыран олорон ааспыт олоҕун, үлэтин хамнаһын түмэн , чемчөтөн көрдөҕүнэ , күн сиригэр 77 сыл устатыгар биир уол олоҕун олорорун олорон , үлэлиирин үлэлээн айарын айан , ситиһэрин ситиһэн кэлбит эбит. “ Ама үлэлээбэтим , айбатым, олорботум диэтэхпинэ - таҥараҕа да айыы буолуоҕа ”дии саныыр.
Наҕараадалара :
“Үлэ ветерана”
“Педогогическай үлэ ветерана”
“Сценическэй үлэ ветерана “
1999 СР самодеятельнай композитордарын уонна ырыа айааччыларын чилиэнэ, 1999 с.
2003 с. Үрдүк категориялаах “Мастер педагог”
2003 с. “СР Үөрэҕириитин туйгуна”
2003 с. “Уус – Алдан улууһун культура сайдыытыгар кылаатын иһин” бэлиэ
2004 с. “ Саха Республикатын культуратын туйгуна ”
2011 с. “Уус - Алдан улууһун үөрэхтээһин сайдыытыгар кылаатын иһин” бэлиэ.
2011 с. I - Өспөх нэһилиэгин « Социально – Экономическэй сайдыытын иһин » бэлиэ
2011 с. “СР народнай маастара”
2015 с “Саха сирин Дархан этээччитэ”.
“Жуков 100 сааһа”.
“ЫБЛКСМ 80 сыла”
Маны таһынан культура эйгэтигэр 50 - ча араас көрүҥнээх наҕараадалар, грамоталар,
Дипломнар, араас номинациялар.