АТЛАСОВ ЕГОР ИННОКЕНТЬЕВИЧ

(1921-1972сс)

«Кыһыл сулус» орденнаах,

 «Германияны кыайыы иһин»,

 «Кенинсберы ылыы иһин» ,

  ССРС Сэбилэниилээх күүстэрин 50 сылынан,

 Германияны кыайыы 25 сылынан мэтээллэрдээх,

 Саха АССР Верховнай Советын Президиумун

Бочуотунай грамотатынан  наҕараадаламмыта.

          Атласов Егор Иннокентьевич 1921 сыллаахха төрөөбүтэ. Өнөр дьадаҥы колхозтаах кэргэҥҥэ төрөөбүт. Үөрэҕэ суох, сэрии буолуор диэри колхозка хара үлэ5э сылдьыбыт. 1941 с. от ыйын 10 күнүгэр Чурапчы байыаннай остуолуттан бэбиэскэ тутан, армияҕа барбыт. 96-с армейскай полка5а тубэһэн кыратык үөрэнээт, старшай пулеметчик званиеланан  1941 сыл атырдьах ыйыттан 1942 сыл муус устар ыйга диэри сэриилэһэр. Сэрии сылларыгар үстэ бааһырар, төбөтүгэр  улаханнык бааһыран өр госпитальга эмтэнэр. 360-с,52-с стрелковай полкаларга сэриилэһэр. 1945 сылга кыайыы кэнниттэн 1946 сыл от ыйыгар диэри 100-с байыаннай этэрээккэ үлэлиир, бу сыл демобилизацияланар.

           1946с Намҥа кэлэн учуокка турар. Нам Хама5атта Салбаныттан биир кыыс о5олоох огдообо Мария диэн дьахтары кэргэн ылар.

             1964с Уһун-Күөлгэ кэлэн олохсуйар. Егор Иннокентьевич төрөөбүт сиригэр тутууга, сүөһүгэ, окко уо.д.а. атын үлэлэргэ күүһэ кыайарынан үлэлээбитэ. 1972с сэриигэ ылбыт бааһа көбөн олохтон туораабыта.

             Кэргэнинээн Мариялыын икки уол о5ону төрөппүттэрэ. Билигин 1 Өспөх нэһилиэгэр Атласов Е.И. аатынан уулусса ааттаммыта. Уонна кини оло5ун сиэннэрэ, хос сиэннэрэ салгыыллар.