1917 сыллаахха сэтинньи 29 күнүгэр Чэриктэй бөһүөлэгэр дьадаьгы бааһынай дьиэ-кэргэнигэр иккис оҕонон төрөөбүтэ. «Ыччат суола» колхозка суоччутунан, биригэдьииринэн, сылгы ферматын сэбиэдиссэйинэн үлэлээбитэ. 1943 сыл от ыйын 2 күнугэр Кыһыл Армия кэккэтигэр ыҥырыллыбыт. Илин Дацаҥҥа уонна Даурияҕа байыаннай үөрэххэ 3 ыйтан ордук сылдьыбыта. Наарба куорат оборонатыгар кыттыыны ылбыта. Кулун тутар 17 к. куорат утарыта мууска киирэн, немецтэри утары уот ортотунан атаакалаабыттара. Манна сототугар бааһыран Ленинград госпиталыгар эмтэммитэ. 1944 сыл от ыйын 25 к. Луга өрүс нөҥүө немецтэри утары атаакаҕа сэриилэһэ сылдьан, санныгар бааһыран госпиталга киирэн эмтэммитэ. Ол кэнниттэн Арҕаа фроҥҥа Финскэй хомоҕо сэриилэспитэ. Варшава туһаайыытынан Балтийкай фpoҥҥa икки ыйтан ордук сэрииэспитэ. 1945 сыл кулун тутар ыйга атаакаҕа киирсэн иһэн, xaҥac илиигин үс улахан тарбахтарын оскуолак быһа көтөн Рига госпиталыгар сытан кыайыы күнүн көрсүбүтэ. 1945 с. бэс ыйыгар төрөөбүт Чэриктэйигэр эргилэн кэлбитэ. Аҕа дойду сэриитин 1-ст. орденынан, Улуу Кыайыы 20, 30, 40, Сэбилэниилээх Күүстэр 50, 60, 70 сыллаах үбүлүөйүнэй мэтээллэринэн наҕараадаламмыта. 1990 сыллаахха өлбүтэ.