Слепцов Василий Николаевич (1910-1943)

     Нам оройуонун Арбын нэһилиэгэр 1910 сыллаахха төрөөбүтэ. Ийэлэрэ Бээди Баһылайаптар кыыстара этэ. Кэргэнэ өлбүтүн кэннэ 2 уолун, 1 кыыһын илдьэ кэлэн Бээдигэ аймахтарын чугаһыгар олохсуйан, оҕолорун улаатыннартаабыта. Василий Николаевич кыра үөрэхтээх, бэрт тыллаах-өстөөх, салайар үлэҕэ дьоҕурдаах буолан, сэрии инниттэн нэһилиэк исполкомун бэрэссэдээтэлинэн үлэлээбитэ. Кэргэн ылан 2 уол, 1 кыыс оҕолордоох.

   1942 сыллаахха аармыйаҕа ыҥырыллыбыта. Соҕурууҥҥу фроҥҥа Кавказ туһаайыытынан сэриилэһэ сылдьан, 1943 сыллаахха кыргыһыыга өлбүтэ. Дагестан сиригэр Дербент куорат кылабыыһатыгар көмүллүбүт.

***

Слепцова Аана, оҕом Коля, аймахтар дорооболоруҥ!

    Суоттуга 1/IX-41 с. киэһэ 7 чааска олус үчүгэйдик айаннаан киирдибит. Үөрэнии саҕаланна. Манна 4 хонорбут буолуо. Хас массыына киирдэҕин аайы билэр дьоммут толору киирэ тураллар. Үөрэх наһаа тардыылаах уонна үчүгэй буолсу. Бары да барааччылар олус көрдөөхтук үөрэ-көтө иһэбит. Аны бэрт өтөр миигиттэн сурук ыларгыт биллибэт. Аана, эн оҕоҕун Коляны бэрт учугэйдик, эр санаалаах, куттанары билбэт, атааҕа суох гына иит, онно мин эйигин улаханнык эрэнэбин.

     Өстөөх үлтүрүйүө, мин этэҥнэ эргийэн кэлэргэ эрэллээхпин, ол хаһан буолара этиэххэ чэпчэкитэ суох.

Эһигини кытта өссө биирдэ илии тутуһабын.

Василий Слепцов. 19.2/IX-41. Суотту, 2 чаас.