Кривошапкин Онуфрий Ильич

:
Дата и место рождения :
  • 1918 г., с.Танда, Усть-Алданского района, ЯАССР
Дата и место призыва:
  • 1941 г., Чурапчинский РВК, Якутская АССР
Место службы: 888-с стрелковый полк rсастаабыгар сылдьан Сталинградская битва, Оборона Курской области
Звание в котором закончил войну: старший лейтенант
Причина выбытия: демобилизовался
Награды: Орден Славы 1 ст., • Медаль «За оборону Сталинграда», • Медаль «За освобождение Праги»;
Страница 2 из 2

Кривошапкин Онуфрий Ильич (1918-?)

 1918 сыллаахха Байаҕантай нэһилиэгэр төрөөбүт.Аҕата Илья Петрович—Куурай, ийэтэ Ульяна Ивановна Готовцева Тандаҕа Соҕуруу томторго олорбуттара, «Кыһыл Танда» колхоз чилиэннэрэ.1935 сыллаахха Танда 7 кылаастаах оскуолатын бүтэрбит. 1939-40 сс. Дьокуускайдааҕы политическай-сырдатар оскуолаҕа үөрэммит.Кыһыл Армия кэккэтигэр бастакы хомуурга ыҥырыллыбыт, 508-с стрелковай полк састаабыгар киирсэн зенитнэй артиллерияҕа үөрэммит. Кини сэриигэ бастакы сүрэхтэниитин Москва көмүскэлигэр ылбыт. Пулеметчик буолан: «Мин бойобуой доҕорум «Максим» өстөөххө өлуу уотунан тибиирэр»— диэн дьонугар суруйбуттаах.1942 сыл бэс ыйыгар 21-с армия 888-с стрелковай полкатын састаабыгар сылдьан Сталинград көмүскэлигэр кыттыбыт. Ити кырыктаах кыргыһыыларга гвардия лейтенана Кривошапкин рота командирын политчааска солбуйара. Онтон Курскай уобаласка өстөөх кимэн киириитин утары охсуһууга кыттыбыт. Ыараханнык бааһыран госпитальта киирбит.1942  сыл олунньу 2 күнүтэр ньиэмэс сэриилэрин 6-с армиятын командующайа, генерал-фельдмаршал Паулюс билиэн тутуллубутун илэ хараҕынан көрөн ааспыттаах.1943  сыл күһүнүттэн танковай армия моторизированнай чааһыгар комсорунан сулууспалаабыт, Днепр өрүһү туораспыт. 1944 сыллаахха Тандаҕа Ылдьаана эмээхсиҥҥэ фронтан маннык ис хоһоонноох сурук кэлбит: «Эн уолгун Кривошапкин Онуфрий Ильич социальной аҕа дойду көмускэлин иһин охсуһууга көрдөрбут геройдуу быһыытын уонна хорсунун иһин правительственной наҕарааданан — Кыһыл Сулус орденынан уонна «Сталинград көмускэлин иһин» медалынан наҕараадаланна. Эйиигин эн уолуҥ гвардия лейтенана Кривошапкин Онуфрий Ильич правительственнай наҕараадалары ылбытынан эҕэрдэлиибит. Аҕа дойдуну хорсуннук көмускуур чулуу уолу иитэн таһаарбытыҥ иһин махтанабыт. 31713 номердаах военной чаас командира, гвардия полковнига Лутов».Онуфрий Ильич Киеви, Чехословакияны, Австрияны босхолоспут, Берлины ылыы кырыктаах кыргыһыытыгар кыттыбыт. 1945 сыл ыам ыйын 30 күнүгэр дьонугар суруйбут суругар: “Аҕам, ийэм уһун үйэлэниҥ баҕар эһигини кытта көрсөр дьол баар буолуо. Мин сэрииттэн дъолу кытта ортум, ус сыл кэринэ хас минута кунду буолар этэ. Ол кэм ааста. Билигин көнүллүк тыынабыт... Дъолу кытта олоруҥ! Хаһан эмэ кэлиэм... Суруйдум эһиги уолгут Онуфрий Ильич Кривошапкин 30.05.45 года.” Бу сурук билигин Танда музейыгар хараллан сытар.

Гвардия старшай лейтенана Онуфрий Ильич 1946 сыллаахха сааскы кус саҕана төрөөбүт Тандатыгар икки «Кыһыл Сулус», Аҕа дойду сэриитин I степеннээх орденнардаах, «Сталинград оборонатын иһин», «Праганы босхолооһун иһин» медаллардаах эргиллэн кэлбит.1951 сыллаахха Дьокуускайга педучилищены кэтэхтэн үөрэнэн бүтэрбит. Танда оскуолатытар алын сүһүөх кылаастарга учууталынан уонна физругунан 1955 сылга диэри үлэлээбит. Салгыы Бороҕоҥҥо, Мохсоҕоллооххо үлэлээн баран кэргэнэ Новожилова Валентина Николаевна дойдутугар Пермь куоракка көһөн барбыттар. Биэс оҕоломмуттар, сиэннэрдээхтэр.