Кривошапкин Петр Ильич

Дата и место рождения :
  • 1924 г., с.Танда, Усть-Алданского района, ЯАССР
Дата и место призыва:
  • 1943 г.,
Место службы: Сталинградская оборона I Украинский фронт 28-я механизированная дивизия
Дата выбытия: 1944 г.
Причина выбытия: по ранению
Страница 2 из 2

 

Кривошапкин Петр Ильич (1924-1999)

      1924 сыллаахха Байаҕантай нэһилиэгэр төрөөбүт. Аҕата Илья Петрович—Куурай, ийэтэ Ульяна Ивановна Готовцева «Кыһыл Танда» колхоз чилиэннэрэ, Тандаҕа Соҕуруу томторго олорбуттар.1942 сыл күһүнүттэн байыаннай буһуу-хатыы үөрэҕин Мальтаттан саҕалаан Монголия диэки кумах куйаарга баар дивизиоҥҥа барбыта. 127-с Сибиирдээҕи дивизияҕа пулеметчик көмөлөһөөччүтэ буоларга үөрэнэн 1943 сыл саҥатыгар арҕаа айаннаабыттар. Кыһыл Армия күнүн көрсө сэрии иккис линиятыгар сылдьан сэриигэ бастакы сүрэхтэниитэ Сталинград таһыгар Камышин дэриэбинэҕэ буолбут. Кини үгүс куораттарынан, дэриэбинэлэринэн I Украинскай фронт 28-с механизированнай дивизиятын састаабыгар киирсэн кырыктаах кыргыһыыларга сылдьан Киевкэ чугаһаан баран иккиһин бааһырбыт. Черниговка госпитальга эмтэнэн, 1944 сыл олунньутугар үтүөрэн төрөөбүт дойдутугар кэлэр.Тандаҕа интернат сэбиэдиссэйинэн, «Кыһыл Танда» колхоз биригэдьииринэн, кэлин райсовет статуправлениетыгар инспекторынан, мясомолпромҥа лаборанынан, “Межколхозстройга” маастарынан уонна прорабынан, дьаһалта дьиэтигэр вахтерынан үлэлээбитэ.

1999 сыллаахха оһолго түбэһэн күн сириттэн барбыта.

Кэргэнэ Ньурба оройуонуттан төрүттээх Капитолина Илларионовна Сорскаялыын түөрт оҕону үрдүк үөрэхтээн үлэһит дьон оҥорбуттара, элбэх сиэннээхтэр.