Сторожев Петр Аммосович (1915-1964)

Тандыгыга Түмэппий caйылыгар иитиллэн үөскээбит. Гражданскай сэрии Геройа Г.В. Егоров Тандаҕа оскуола туттаран чугас нэһилиэктэртэн оҕолору аҕалан, ол иһигэр Петр Аммосовиһы, үөрэттэрбит. 1938 сыл балаҕан ыйыттан 1940 сыл тохсунньуга диэри Дьокуускайдааҕы национальнай байыаннай оскуола курсана, ыалдьан үөрэхтэн тохтообут.

09.09.41 с. Дьокуускайдааҕы РВК-нан Аҕа дойду сэриитигэр ынырыллыбыт. Алтынньы ыйтан 17-с полк 17-с отделениетыгар, 1943 сыл тохсунньуттан 1945 сыл сэтинньитин устата 19-с автополкаҕа шоферунан сулууспалаабыт. Белорусскай, II уонна IV Украинскай фроннарга буолбут кыргыһыыларга кыттан Белград, Прага, Будапешт, Берлин куораттары босхолоспут буойун буолар, Забайкальскай фроҥҥа 19-с автополк састаабыгар эмиэ шоферунан 1945 сыл атырдьах, балаҕан ыйдарыгар империалистическай Японияны утары кыргыһыыларга кыттыбыт. Сэрии сылларыгар 2 төгүл контузияламмыт, 3 төгүл чэпчэкитик бааһырбыт. Младшай сержант Петр Аммосович 25.09.45 с. ССРС Верховнай Советын Уурааҕынан демобилизацияланан дойдутугар эргиллибит.

1946 сыл бүтүүтэ Александра Николаевна Завьяловалыын ыал буолан уоллаах кыыс оҕоломмуттар. Ити кэмҥэ МТС-ка шоферунан үлэлээбит. 1950 сыллаахха Тандаҕа көһөн кэлбиттэр, онон Байаҕантайга бастакынан кэлбит «ЗиС-5» массыынаҕа суоппар буолбут.

«Праганы босхолооһун иһин», «Будапеһы ылыы иһин» медаллардаах.

1964 сыллаахха ыалдьан өлбүт.