Вензель Михаил Иванович

Танда нэһилиэгэр 1917 сыллаахха балаҕан ыйын 23 күнүгэр орто бааһынай кэргэҥҥэ төрөөбүтэ. Аҕата Вензель Иван Михайлович, ийэтэ Колодезникова Анна Алексеевна.1941 сыл атырдьах ыйын 11 күнүгэр Аҕа дойду сэриитигэр Нам военкоматынан ыҥырыллан барбыта.От, бурдук хомуурун үгэнигэр бу кыра колхозтан хотуурдарын ходуһаҕа ыйаан, атырдьахтарын ампаарга анньан 7 туруу үлэһит эдэр дьон Ийэ дойдуларын көмүскэлигэр аттаммыттара. Дьокуускайга тиийэн 3 баржалаах «Сталин» борохуотунан Иркутскайга устубуттара.Москва таһынааҕы кыргыһыыларга наборщик пулеметчигынан сылдьан, 3 төгүл бааһыран госпитальга эмтэнэн баран 1942 сыл муус устарга дойдутугар «Хорсунун иһин» медаллаах эргиллибитэ. Колхозка хонуу биригэдьииринэн, ферма сэбиэдиссэйинэн, сылгыһытынан үлэлээбитэ. 1992 сыллаахха өлбүт.1943 сыллаахха Петрова Александра Дмитриевналыын холбоһон 6 уолламмыттара, 3 кыыстаммыттара, элбэх сиэн ыччаттаммыттара.