1910 сыллаахха Тандаҕа төрөөбүт.

Чурапчы ОВК-нан ыҥырыллыбыт. 1943 сыл от ыйын 17 күнүгэр сэриигэ өлбүт.

Егор Николаевич 1942 сыл бэс ыйын 29күнүгэр, атырдьах ыйын 15 күнүгэр уонна 1943 сыл от ыйыгар фронтан суруйбут суруктара музейга бааллар.

1942 сыл бэс ыйын 29 күнүгэр суруйбут суругар: «Сылдьар сирим аата Хара муора диэн. Москваттан 250 кос арҕаа баарбын. Билигин Кыайыынан сылдьабыт. Сэриигэ Гермаанньыйа үксүн кыаттаран иһэр, онон санаа учугэй. Ол да буоллар биһигиттэн киһи өлөрө үгүс. Ол туһунан дойду сиригэр суруйарга сатала суох, маны бэйэҕит толкуйдааҥ. Саха чааһа мэлийдэ, дэкэмэ баар. Бу суругу олох туора дъокно аахтарар буолаайаҕытый! ...Миигин билигин ыраахтан ытарга анаабыттара, онон баарбын. Биэрэстэ аҥардаах сиртэн уоттаах тааһынан көрөн ытыалыыбыт. Ол да буоллар ниэмэс буулдьата хара самыыр туһэрин курдук! Миинэ буулдьата этик тииккэ туһэрэ хайдаҕый да ол курдук... ’’ диэбит. Онон буоллаҕына кини снайпер быһыытынан сэриилэспит.

Орловскай уобалас Волховскай оройуонун Дворики дэриэбинэҕэ көмүллүбүт.