1923 сыллаахха торообут. Аҕата Иннокентий Павлович «Табалаах» колхоз суотчута, ийэтэ Харитина Степановна «Бочуот Знага» орденнаах ыанньыксыт. Мүрүгэ 8-с кылааһы үөрэнэн бүтэрбитэ. «Сулус» колхоз чилиэнэ, улахан дьону ааҕарга, суруйарга үөрэтэрэ.1941 сыллаахха комсомольскай тэрилтэ секретарынан улэлии сылдьан Аҕа дойду сэриитигэр тылланан барбыта, 1943 сыллаахха сураҕа суох сүттэ диэн биллэрии кэлбитэ.Готовцев Степан Иннокентьевич сэриигэ бардаҕын утаа кини ийэтэ Готовцева Харитина Степановна 1941 сыл атырдьах ыйын 12 күнүгэр «Большевистскай тэрийээччи» хаһыакка маннык ис хоһоонноох ыстатыйа суруйбута: «Мин оҕом байыаннай үөрэхтэрин туйгуннук бүтэрээт, тапталлаах сирдьит. Сталин иһин, биһиги чэлгийэ сайда турар төрөөбүт сирбититтэн мөссүөк да сири өстөөххө биэрбэт иһин геройдуу сулуусбалаа! Өстөөҕү бэйэтин территориятыгар илдьэн, хаһан да эргийбэт гына үлтү оҕус!».