1910 сыллаахха Байаҕантай нэһилиэгэр төрөөбүт. 1931 сыллаахха Якутскайдааҕы педагогическай техникуму бүтэрэн баран Усуйаана оройуонугар Казачье оскуолатыгар учууталлаабыт. 1938-39 сылларга Дүпсүн, 1939-42 сс. Танда сэттэ кылаастаах оскуолаларыгар учууталлаабыт. Нэһилиэк Советын депутата, 1941 сылтан ССПК чилиэнэ.Дмитрий Дмитриевич 1942 сыллаахха олунньу 22 күнүгэр Кыһыл Армия 24 сыла туолуутунан дакылаат оҥорбут. Ити мунньахха киниэхэ фроҥҥа ыҥырылларын туһунан бэбиэскэ туттарбыттар.Усуйаанаҕа Казачье оскуолатыгар үлэлии олорон учуутал Аммосова Мария Егоровналыын холбоһон ыал буолбуттар. Кэлин Мария Егоровна Саха АССР үтүөлээх учуутала буолбута.Танковай училищены бүтэрбит башеннай стрелок идэлээх Егоров 1943 сыллаахха олунньу ый ортотугар соҕуруулуу-арҕааҥҥы фроҥҥа сэриилэһэр армияҕа тиийбит. Ол кэмҥэ Донбасс промышленнай оройуонун босхолуур иһин кыргыһыылар бара тураллара. Красноград—Красноармейскай кирбиилэринэн танковай чаастар кимэн киириилэрэ саҕаламмыта. Младшай командир Егоров Варавенко куорат таһыгар олунньу ый 24 кунутэр буолбут кыргыһыыга хорсуннар өлүүлэринэн өлбүт.Дмитрий Дмитриевич байыаннай училищеҕа үөрэнэ сылдьан уонна фронтан дьонугар үгүстүк суруйара. Ол суруктарын кини балта Анна Гаврильевна Егорова кичэллээхтик уура сылдьыбытын музейга туттарбыта.
“1942 сыл кулун тутар 29 күнэ.
...Мин уөрэнэр ротабар аҥарбыт, 20-тэн тахса киһи сахалар баарбыт. Уус-Алдантан элбэхтэр: Рожин — пищекомбинат, Мигалкин диэн уол, Гоголев — райно бухгалтера, И.Шепелев, И.М. Сивцев диэннэр эмиэ бааллар. Төһө бэркэ олороҕут ? Өҥҥүт-токкут хайдаҕый? Армияҕа кимнээх бардылар? Элбэх исхоһоонноох сурукта, телеграммата ыыта олоруҥ”.
Телеграмма.
“1943 сыл олунньу 7 кунэ.
Доруобайбын арҕаа фроҥҥа бардым ”.Бу Дмитрий Дмитриевич Егоров дьонугар тиһэх биллэриитэ этэ. Танкист Д.Д. Егоров туһунан кини бойобуой доҕоро бу курдук биллэрбитэ:
“Уус-Алдан райисполкомугар
Сэриилэһэр армияттан дорообото тутуҥ!Эһиги оройуон киһитэ Егоров Дмитрий Дмитриевычтыын Майаттан армияҕа бииргэ барбыппыт. Бииргэ танковай училищеҕа уөрэммиппит, биир наараҕа иккиэн утуйар этибит.Иккиэн бииргэ Соҕуруулуу-арҕаа фроҥҥа Ваваренко диэн куорат таһыгар 1943 сыл олунньу 24 кунугэр танковай атаакаҕа кыттыыны ылбыппыт. Кини миигиттэн атын чааска баар этэ. Бу кыргыһыыга кинилэр танкаларын немецтэр термитнэй снарядынан умаппыттара, онно танка командира уонна кини умайан өлбуттэрэ. Д.Д. Егоров аймахтарыгар ити туһунан биллэриҥ.
Мэнэ-Ханалас оройуонун Алтай нэһилиэгин киһитэ Попов Филипп Иннокентьевич суруйдум ”.