Бэрт-Ууһун нэһилиэгэр төрөөбүт. 28.06. 1942 с. Чурапчы ОВК-нан ыҥырыллыбыт. 1944 сыллаахха сэриигэ сураҕа суох сүппүт.

1932 сыллаахха Орто-Эбэ оскуолатыгар быһаччы 2-с кылааска үөрэнэ киирбитэ, 1937 сылга кини 7 кылааһы бүтэрэн, Дьокуускайга учууталлары бэлэмниир 6 ыйдаах кууруска үөрэнэр. 1937-1938 сс. үөрэх дьылыгар Курбуһах нэһилиэгэр Уус-Күөл оскуолатыгар начаалынай кылаастарга учууталлыыр. 1941-1942 сс. нэһилиэгэр нолуок агенынан үлэлээбитэ, 1942 сыллаахха бэбиэскэ тутан армияҕа ыҥырыллыбыта. Челябинскайга сылтан ордук үөрэххэ сылдьар, сэриилэһэ сылдьан бааһыран Ростов куоракка госпиталга уһуннук эмтэнэр. Кэнники суруга дьонугар Румынияттан кэлбитэ, хара суругу да туппатахтара.