Федоров Михаил Ильич

Дата и место рождения :

1922 г.,

Дата и место призыва:

1942 г.,

Место службы: Западный фронт

Дата выбытия: 1944 г.

Причина выбытия: Выбыл по состоянию здоровья

Награды: Медаль "За победу над Германией", Медаль " За доблестный труд в Великой Отечественной войне 1941-1945 гг.", медаль за доблестный труд 100 лет со дня рождения Ленина

Страница 2 из 2

Икки сэрии кыттыылааҕа ФЕДОРОВ МИХАИЛ ИЛЬИЧ

(1922-1977)

1922 сыллаахха 200-стэн тахса байыастаах Ракитянскай кыһыл этэрээтэ Никольскай сэриитигэр хотторбут бандьыыттары сонордоон борохуотунан Көбөкөҥҥө туораабыттара. Этэрээккэ И.Е.Винокуров баара. Дүөндүттэн сылдьар уолу ыҥыран ылан бандьыыттар тустарынан бэрт уһуннук сураспыта, сэһэргэспитэ, сирдьит буоларыгар көрдөспүтэ. Ону ылынан уол этэрээти Дүпсүҥҥэ сирдээн таһаарбыта, сүрдээх сэрэхтээхтик айаннаан сэлиэнньэ таһыгар диэри аҕалбыта. Ханан саһан киириэхтээхтэрин табатык ыйан, этэрээт соһуччу атаакалаабыта. Уолуйбут бандьыыттар бастара хайа диэки хайыһарынан куоппуттара, тобохтор үлтүрүтүллүбүттэрэ.

Аҕа дойду сэриитин иккис сылыгар, 1942 сыллаахха аармыйаҕа ыҥырыллыбыта. Арҕаа Калининскай фронт 444-с стрелковай полкатын састаабыгар киирсэн, Великие Луки куораты босхолооһуҥҥа, кыргыһыы инники күөнүгэр сылдьан ыараханнык бааһырбыта, бойобуой стройтан туораабыта.

Дойдутугар 1944 сыллаахха эргиллэн кэлэн колхоһугар ферма сэбиэдиссэйинэн, бөдөҥсүйбүт колхозка заправщигынан үлэлээн сылдьыбыта. Кэлин учаастактааҕы балыыһаҕа завхоһунан бэрт уһуннук үлэлээбитэ. Үлэ ветерана, нэһилиэк бочуоттаах гражданина ааты ылбыта. «Германияны кыайыы иһин», «1941-45 сс. Аҕа дойду Улуу сэриитин сылларыгар килбиэннээх үлэтин иһин», «В.И.Ленин төрөөбүтэ 100 сыла туолуутун бэлиэтээн. Килбиэннээх үлэтин иһин» мэтээллэринэн наҕараадаламмыта. 1 уол, 1 кыыс оҕолордоох, элбэх сиэннэрдээх. Буойун 1977 сыллаахха ыалдьан өлбүтэ.