КОПЫРИН ДМИТРИЙ ВАСИЛЬЕВИЧ (1924-?)

     1924 сыллаахха Бээди атаҕар төрөөбүтэ.

    1942 сыллаахха 7 кылааһы бүтэрээт, аармыйаҕа ыҥырыллыбыта. Севастополь оборонатыгар сэриилэспитэ. 1943 сыл саҥатыгар Илиҥҥи кыраныыссаҕа Монголия сиригэр Тамсак Булак миэстэҕэ сулууспаҕа ыыппыттара. 1945 сыллаахха Японияны кытта сэриигэ Хинган хайатын туораан, 1000 км походка кыттыыны ылан, Хинган, Мукден куораттары босхолоһон кыайыыны аҕалсыбыта. «Японияны кыайыы иһин» мэтээллээх. Сэрии кэнниттэн 1950-1975 сс. Покровскайга үлэлээбитэ. 1976 с. кэргэннэнэн Курбуһахха олохсуйбута. 6 оҕолоох, 11 сиэннээх.