АНДРОСОВ Захар Яковлевич (1924-2001)

1924    сыл атырдьах ыйыгар I Өлтөххө 4 оҕолоох дьиэкэргэҥҥэ Кристина Яковлевна, ЯковИльич Андросовтарга иккис оҕонон төрөөбүтэ. Ийэлээх аҕата эрдэ өлөннөр тулаайах хаалан аҕатын быраатыгар Матрена Авсентьевна, Семен Иннокентьевич Андросовтарга иитиллэн улааппыта.

 Дьампы начальнай оскуолатын, Орто Эбэ оскуолатыгар 7-с кылааһы, Мүрү орто оскуолатыгар 8-с кылааһы бүтэрэр. Онтон сэрии буолан 1941-42 сылларга Дьокуускайга педтехникумҥа II курстан студенынан ылыллар. 1942 сыл атырдьах ыйын 19 күнүгэр, 18 сааһын туола илигинэ, тылланан сэриигэ барар. Маҥнай мединструкторынан, онтон артиллериһынан Брянскай, Калининскай, I уонна II Прибалтийскай, Забайкальскай фроннарга, Японияны утары кыргыһыыга кыттыбыта уонна 1946 сыл ахсынньы саҥатыгар демобилизацияланан ахсынньы 31 күнүгэр дойдутугар эргиллэн кэлбитэ. Үөһээ Бүлүүгэ киэһээҥҥи оскуолаҕа үөрэнэн 10-с кылааһы бүтэрэр. 1953-1955 сылларга Москватааҕы загот оскуолаҕа үөрэнэн үрдүк үөрэхтээх экономист идэтин ылар. 1963-65 сылларга Москватааҕы үрдүкү партийнай оскуолаҕа үөрэнэр.

1947 сыллаахха республика уполминзагын инспекторынан ананан үлэлиир- Онтон ыла Үөһээ Бүлүү уполминзагын солбуйар начальнигынан, Совмин председателин көмөлөһөөч- чүтүнэн, Орто Халыма оройуонугар райсовет председателинэн, республика Госпланын председателинэн, 1987- 95 сылларга Дьокуускайдааҕы научнай-производственнай холбоһук сүрүннүүр экономиһынан үлэлээбитэ.

Аҕа дойду сэриитин II степэннээх, Кыһыл Сулус, «Бойобуой Албан аат» III степеннээх, Бочуот Знага орденна- рынан, «Бойобуой үтүөлэрин иһин», «Германияны кыайыы иһин», «Японияны кыайыы иһин», элбэх юбилейнай мэтээллэринэн наҕараадаламмыта, “РСФСР үтүөлээх экономиһа”, “Саха АССР норуотун хаһаайыстыбатын үтүөлээх үлэһитэ” ааттар иҥэриллибиттэрэ. Уус-Алдан улууһун Бочуоттаах олохтооҕо.

Кэргэнэ Надежда Петровналыын холбоһон биир кыыс оҕолонон, сиэннэнэн, хос сиэнин көрөн олох дьолун толору билбитэ.

2001 сыл олунньу 2 күнүгэр ыарахан ыарыыттан Дьокуускай куоракка олохтон туораабыта.