ТАТАРИНОВ Иван Федорович (1925-1980)

1925 сыллаахха I Өлтөх нэһилиэгэр Бырыы Күөлгэ Дүөдэҕэ Татаринов Федор Николаевич дьиэ-кэргэнигэр төрөөбүт.

Забайкальскай байыаннай уокурук резервнэй сэриилэрин састаабыгар сылдьыбыт. Япония Квантунскай армиятын утары Хайлар куорат туһаайыытынан сэриилэһэн Маньчжурияҕа тиийбит.

1950 сыллаахха демобилизацияланан кэлэн баран Бороҕоҥҥо бытовой комбинакка саппыкы оҥорооччунан үлэлээбит, кэлин Курбуһахха олорбут. Кэргэнинээн Мария Замятиновналыын 7 оҕоломмуттарыттан үһэ игирэ.

«Японияны кыайыы иһин» мэтээлинэн наҕараадаламмыт.

СИВЦЕВ Дмитрий Гаврильевич (1918-1981)

1918    сыллаахха II Өлтөх нэһилиэгэр төрөөбүт. Сэттэ кылаас үөрэхтээҕэ. Тракторист курсугар үөрэнэн трактористаабыт. Кэлин Сыырдаахха олохсуйан, кэргэннэнэн «Победа» колхозка, “Лена” совхозка үлэлээбит.

«Японияны кыайыы иһин» мэтээлинэн наҕараадаламмыт.

ПРУДЕЦКАИ Дмитрий Семенович (1926-2003)

1926    сыл алтынньы ый 20 күнүгэр Уус-Алдан оройуонун II Өлтөх нэһилиэгэр Т ы л б ы й а х диэн алааска төрөөбүт. 1941 сыллаахха Матта 7 кылаастаах оскуолатыгар 5 кылааһы бүтэрбит. Онтон «Бэйдиҥэ» колхозка биригэдьииринэн, үүт табаарынай ферматын сэбиэдиссэйинэн уонна кыладыапсыгынан үлэлээбит.

1944 сыл бэс ыйын 1 күнүгэр Мэҥэ- Хаҥалас военкоматынан сэриигэ ыҥырыллан барбыт. Атырдьах ыйыгар диэри 27-с мотострелковай полкаҕа, онтон 1947 сыллаахха 142-с танковай полкаҕа пулеметчигынан, ол кэнниттэн 104-с туспа мотострелковай батальоҥҥа эмиэ пулеметчигынан сулууспалаабыт. Забайкальскай фронт 27-с мотострелковай биригээдэтигэр стрелогунан сылдьан Японияны утары сэриилэспит.

1945    сыл атырдьах ыйыгар хаҥас атаҕар бааһырбыт. Алта сыл сулууспалаан баран, 1950 сыллаахха армияттан эргиллэн кэлбит. Онтон ыла 31 сыл устата Уус-Алдан оройуонугар сибээскэ телефоннай линия монтерунан үлэлээбит. Пенсияҕа тахсан баран 5 сыл устата «Лена» совхозка үлэлээбит.

Сэрииттэн кэлэн баран Суотту олохтооҕо Заровняева Аграфена Ивановнаны кэргэн ылан 7 оҕоломмуттар.

Аҕа дойду сэриитин II степеннээх орденын кавалера, «Үлэ ветерана» уонна юбилейнай мэтээллэринэн наҕараадаламмыт.

ПЕТРОВ Василий Константинович (1924-1990)

1924 сыл от ыйын 12 күнүгэр Мэҥэ-Хаҥаласка II Тыыллыт нэһилиэгэр төрөөбүт. Дьокуускайга өрүс техникумугар үөрэммит. Онтон Хаҥалас Өктөмүгэр үлэлээбит.

1943 сыллаахха бэс ыйыгар армияҕа ыҥырыллан Забайкальскай байыаннай уокурукка сулууспалаабыт. Младшай командирдар оскуолаларын бүтэрэн сержант буолан Японскай милитаристары утары сэриигэ кыттыбыт.

1947 сыллаахха Хаҥалас Өктөмүгэр төннүбүт. Онтон Орто-Эбэ оскуолатыгар бухгалтерынан, нэһилиэк Советын солбуйар председателинэн үс ыҥырыыга үлэлээбит.

Аҕа дойду сэриитин II степеннээх орденын кавалера, юбилейнай мэтээллэринэн наҕараадаламмыт.

ПЕСТРЯКОВ Петр Николаевич (1928-2003)

Аҕа дойду сэриитин II степеннээх орденын кавалера. Нам улууһун Бочуоттаах олохтооҕо.