Лыткин Афанасий Иванович уруккунан 1 Өспөх сиригэр 1915 сыллаахха төрөөбүтэ. Бииргэ төрөөбүттэр 10 этилэр. Кыра үөрэхтээх буолан оччотооҕу олох таһымынан саҥа олоххо актыыбынайдык кыттыбыта. Комсомолга киирэн нэһилиэнньэҕэ сырдатар-өйдөтөр үлэлэргэ кыттан элбэхтик улэлээбитэ. Ол иһин буолуо, Комсомол Хонооһой диэн быһаччы ааттыыр буолбуттара. Комсомолтан партия чилиэнигэр тиийэ үүммүтэ.

 Афанасий Иванович Аҕа дойду сэриитигэр 1943 сыллаахха от ыйын 8 күнүгэр Чурапчы военкоматынан ыҥырыллыбыта. Рядовой красноармеец ыалдьарынан 1944 сыллаахха демобилизацияламмыта. Эргиллэн кэлээт Өнөргөколхоз араас үлэтигэр таһаарыылаахтык үлэлээбитэ. Биригэдьииринэн, саһыл ферматын сэбиэдиссэйинэн, онтон да атын үлэлэргэ гаһаарыылаахтык уонна сатабыллаахтык үлэлээн салалта итиэннэ нэһилиэнньэ улахан ытыктабылын, сыанабылын ылбыта. Кини «1941-45 сс. Аҕа дойду Улуу сэриитин сылларыгар килбиэннээх үлэтин иһин» мэтээлинэн наҕараадаламмыта. Баатаҕайтан төрүттээх Аманатова Александралыын ыал буолан олорбуттара. Хомойуох иһин бэйэлэрэ оҕоломмотохторо. Кинилэр ииппит кыыстара Лыткина Розалия Михайловна Найахыга олoxсуйбута, оҕолоох. Афанасий Иванович сүрэҕин, тыҥатын үлэтэ мөлтөөн 1976 сыллаахха олохтон туораабыта.