ДМИТРИЙ АЛЕКСЕЕВИЧ СЫРОВАТСКАЙ-Иирбэ Өлөксөй уола 1918 сыллаахха Өнөр нэһилиэгэр төрөөбүт. Аҕата – Алексей Матвеевич Сыроватскай, ийэтэ – Мария Ивановна Сыроватская I (Уйбааскы Уйбаннай оҕонньор бииргэ төрөөбүт балта). Дмитрий бииргэ төрөөбүттэрэ: Марфа Алексеевна Троева, Варвара Алексеевна Оллонова-Дьаакып Балбаарата. Бу ыаллар Күбээдики алааска дьиэ туттан олохсуйбуттар. Дмитрий оскуолаҕа үөрэммэтэх, ликбеһинэн кыра үөрэхтээх. «Биллээх» холкуоска киирэн производствоҕа араас үлэлэри толорбута. Ударник аатын ылбыта. Кэлин Горькай аатынан холкуос чилиэнэ. 1942 сыллаахха сайын сэриигэ барарга бэбиэскэлэммит. Челябинскай куоракка хайыһар биригээдэтигэр ананан үөрэммит. «1943 сыллаахха сэриилэһэ сылдьан өлбүт» диэн «Память» кинигэҕэ суруллубут. Көмүллүбүт сирэ биллибэт. Кэргэнэ, оҕото суох. («Память» кинигэ II тома, 175 стр., С-1992.)