Сыроватскай Николай Алексеевич 1919 сыллаахха Өнөр нэһилиэгэр төрөөбүтэ. Рядовой. Ааллаах-Үүн военкоматынан 1942 сыллаахха от ыйын 15 күнүгэр сэриилэһэр аармыйаҕа ыҥырыллыбыта. Японияны кытта сэрии актыыбынай кыттыылааҕа. «Бойобуой үтүөлэрин иһин», «Японияны кыайыы иһин» мэтээлинэн, Аҕа дойду сэриитин I степеннээх орденынан наҕараадаламмыта. 1948 сыллаахха армияттан төннөн кэлбитэ. Армияттан кэлээт республикатааҕы ДОСААФ инструкторынан үлэлээбитэ. Онтон 1949-1954 сылларга Саха АССР ис дьыалатын органнарыгар ананан үлэлээбитэ. 1955-57 сс. «Холбос» иһинэн ыскылаат сэбиэдиссэйинэн сылдьыбыта. Кэлин 24 сыл арахсыбакка республика снабжениетын тэрилтэтигэр үлэлээбитэ. Онно ыскылаат сэбиэдиссэйиттэн отдел начальнигар тиийэ үүммутэ. Үлэтигэр үчүгэй көрдөрүүлэрин иһин элбэх төгүл тэрилтэ наҕараадаларын туппута, харчынан бириэмийэлэммитэ. «Бочуот кинигэтигэр» киллэриллибитэ. «В.И. Ленин төрөөбүтэ 100 сыла туолуутун бэлиэтээн. Килбиэннээх үлэтин иһин» мэтээлинэн наҕараадаламмыта.

 1994 сыллаахха өлбүтэ.