Ушницкай Алексей Михайлович 1915 сыллаахха төрөөбүтэ. Рядовой. Армияҕа Чурапчы военкоматынан 1941 сыллаахха от ыйын 15 күнүгэр ыҥырыллыбыта. 1943 сыллаахха доруобуйатынан сыыйыллан төн-нөн кэлбитэ. «1941-45 сс. Аҕа дойду Улуу сэриитин сылларыгар килбиэннээх үлэтин иһин» мэтээллээх. Кини сэрии кэнниттэн «Кыһыл кыһа», Чкалов уонна Ленин аатынан колхозтарга, кэлин «Дүпсүн» совхозка туруу үлэһитинэн биллибитэ. Үлэ ханнык да көрүҥүн кыайа-хото тутан үлэлиирэ. Саталлаах, дьаһаллаах үлэһит буолан дьон, салалта махталын ылара. Пенсияҕа тахсан баран нэһилиэккэ кырдьаҕастар звеноларын салайан окко үрдүк көрдөрүүнү ситиспитэ. Оройуон, республика социалистическай куоталаһыыларыгар кыттан миэстэлэспитэ, бириэмийэлэммитэ.