РУМЯНЦЕВ СЕМЕН ДМИТРИЕВИЧ (1922-1943)

1922 сыллаахха II Өспөх нэһилиэгэр Чагдаайыга дьадаҥы кэргэҥҥэ төрөөбүтэ.

Үөрэҕи ылымтыа, сайаҕас оҕо начальнай оскуоланы бүтэрэн баран кыайан салгыы үөрэмм этэх.

Сытыы-хотуу, үчүгэй суруксут уолу колхозка суоччутунан анаан үлэлэппиттэр . Ол үлэтин үтүө суобастаахтык толоро-толоро, оччотооҕу бөһүөлэгэ суох ыһыллан олорор кэмҥэ, колхозка туох баар культурнай-сырдатар дьаһаллары, көрү-нары салайааччы, көҕүлээччи быһыытынан сылдьыбыт, бар дьонугар хайҕаппыт-таптаппыт. Онтон- мантан кинигэ булан умсугуйан ааҕара, хоһоон суруйара, испиэктээхтэри тэрийэрэ .

Дьоно кинини кыратыгар харыстааннар “Хоноһо” диэн таптал ааты иҥэрбиттэрэ, ол аата биһиги оҕобут буолбатах, хонор хоноһобут диэн буолара, онон куһаҕан тыыннары муннарар, албынныыр албастара диэн буолар.

Семен Дмитрьевич 1941 сыллаахха от ыйын 27 кунугэр Өспөх нэһилиэгиггэн аан бастаан, собус соҕотобун Ийэ дойдутун көмүскэлигэр барбыта. Ол тиийэн бастаан революция биһигин Ленинграды көмүскээһиҥҥэ кыттыбыт. 1942 сыл атырдьах ыйын 27 күнүгэр, өстөөх сылтан ордук кэмҥэ бөҕөргөтүммүт оборонатын көнү көтүүгэ Тихвинскэй оройуоҥҥа цемзавод таһыгар хаҥас атаҕар уонна уҥа санныгар бааһыран, госпитальга киирэн эмтэнэ сытан дойдутугар үстэ суруйбута. Онтон үтүөрэн, үчүгэй буолан минометчик идэтигэр үөрэнэ сылдьарын туһунан ахсынньы 10 күнүгэр суруйбута.

Румянцев Семен Дмитрьевич 1943 сыллаахха муус устар 8 күнүгэр Ийэ дойдутун кө- мүскэлигэр хорсуттар өлүүлэринэн өлбүтүн туһунан биллэриитэ кэлбитэ. Кини көмүс уҥуоҕа Ленинградскай уобалас Мгинскэй оройуонун В.Назия сэлиэнньэтигэр братскай могилаҕа хараллыбыта.