СЕРГЕЕВ ГАВРИЛ СЕМЕНОВИЧ (1914-1944)

1914 сыллаахха төрөөбүт. 1943 сыллаахха от ыйын 28 күнүгэр Чурапчы военкоматынан ыҥырыллыбыт. 81-с стрелковай дивизия рядовойа. 1944 сыллаахха ахсынньы ыйга өлбүт. Белоруссияҕа Мамино дэриэбинэҕэ көмүллүбүт. Кэргэнэ, оҕото суох. Аҕата Сергеев Семен Михайлович 1942 сыллаахха өлбүт.

СЕРГЕЕВ ГАВРИЛ  АФАНАСЬЕВИЧ (1916-1991)

1916 сыллаахха төрөөбүт. «Кыһыл күүс» колхоз председателинэн үлэлии сылдьан 1943 сыллаахха Чурапчы военкоматынан ыҥырыллыбыт.1945 сыллаахха Забайкальскай фронт 132-с стрелковай дивизиятын 644 полкатын 3-с батальонун састаабыгар киирсэн Японияны утары сэриилэспитэ. Цицикар, Харбин, Чан чунь куораттары босхолоспута. 1946 сыллаахха армияттан демобилизацияланан кэлбитэ. Колхозка биригэдьиир дээбитэ, партийнай тэрилтэ секрета рынан үлэлээбитэ, кэлин продавеһынан, пенсияҕа тахсан баран почтальонунан үлэлээбитэ. Кэргэнэ Дегтярева Анастасия Степановна, уоллаах кыыс оҕолоох, Тулунаҕаолороллор. Аҕа дойду сэриитин II степеннээх орденынан «Японияны Кыайыы иһин», юбилейнай мэтээллэринэн наҕараадаламмыта. 1991 сыллаахха өлбүтэ.

СЕРГЕЕВ АФАНАСИЙ МИХАЙЛОВИЧ (1916-1945)

1916 сыллаахха төрөөбүт. 1943 сыллаахха Чурапчы военкоматынан ыҥырыллыбыт. 1945 сыллаахха Маньчжурияҕа өлбүт. Кэргэнэ, оҕото суох.

ПЕТУХОВ СЕМЕН МИРОНОВИЧ (1910-1945)

1910 сыллаахха төрөөбүт. Колхозтаах. 1941-43 сс. Кэбээйигэ көһөн кыстаабыт. 1943 сыллаахха Чурапчы военкоматынан ыҥырыллыбыт. 1945 сыллаахха эргиллэн кэлэн өлбүт. Кэргэнэ Окоемова Евдокия Филипповна, оҕо хаалбатах. Арҕааҥы фроҥҥа сэриилэспит.

ПЕТУХОВ ПЕТР МИХАЙЛОВИЧ (1910-1943)

1910 сыллаахха төрөөбүт. 1941 сыллаахха атырдьах ыйын 15 күнүгэр Мэҥэ-Хаҥалас военкоматынан ыҥырыллыбыт. «Кыһыл күүс» колхозууһа. 1943 сыллаахха сэтинньи 3 күнүгэр өлбүт. Киевскай уобалас Лутеж куоракка көмүллүбүт. Кэргэн, оҕо суох. Аймаҕа Малагина Аксинья Семеновна, оҕолоро Тулунаҕа олороллор.