Легойский 2-й наслег

АММОСОВ КОНСТАНТИН СЕМЕНОВИЧ (1911-1942)

1911 сыллаахха төрөөбүт. Чурапчы военкоматынан 1942 сыллаахха ыҥырыллыбыт. Милиция начальнига. 1942 сыллаахха олунньу 28 күнүгэр өлбүт. Смоленскай уобалас Сычевскай оройуонун Гродякино дэриэбинэтигэр көмүллүбүт. Ийэтэ Аммосова Мария, кыргыттара Гомуева Мария Константиновна - Бурятияҕа олорон өлбүтэ, Стрекаловская Мария Константиновна - Уһун-Күөлгэ олорон өлбүтэ.

АММОСОВ ИЛЬЯ ВАСИЛЬЕВИЧ (1900-1942)

1900 сыллаахха төрөөбүт. 1941 сыллаахха от ыйын 8 күнүгэр Мэҥэ-Хаҥалас военкоматынан ыҥырыллыбыт. 93-с стрелковай дивизия 51 -с стрелковай полкатын рядовойа. 1942 сыллаахха алтынньы 12 күнүгэр сэрии хонуутугар охтубут. Смоленскай уобалас Гредянка дэриэбинэтигэр көмүллүбүт. Ийэтэ Аммосова Дария Афанасьевна, быраата — Аммосов Петр Васильевич. Кэргэнэ, оҕото суох.

АЛЕКСЕЕВ ИВАН ПЕТРОВИЧ (1908-1943)

1908    сыллаахха төрөөбүт. 1941 сыллаахха Чурапчы военкоматынан ыҥырыллыбыт. «Кыһыл күүс» колхозка биригэдьииринэн үлэлээбит. 1943 сыллаахха өлбүт. Ханна көмүллүбүтэ биллибэт. Кэргэнэ Алексеева Мария Устиновна, уола Алексеев Алексей Иванович Дьокуускай куоракка олорор.

АЛЕКСЕЕВ АФАНАСИЙ ПЕТРОВИЧ (1917-1943)

1917 сыллаахха төрөөбүт. 24-с танковай биригээдэ рядовойа. Чурапчы военкоматынан ыҥырыллыбыт. «Кыһыл күүс» колхозка суоччутунан үлэлээбит. 1943 сыллаахха от ыйын 13 күнүгэр Курскай уобалас Прохоровка оройуонугар өлбүт. Хутор Веселый дэриэбинэҕэ көмүллүбүт. Кэргэнэ Илларионова Екатерина 1956 сыллаахха өлбүт. Кыыһа Алексеева-Дегтярева Ксения Афанасьевна 2008 сыллаахха өлбүтэ. Оҕолоро Дьокуускай куоракка олороллор.