БУРЦЕВ ГАВРИЛ ЕГОРОВИЧ (1909-1975)

1909 сыллаахха төрөөбүт. Сылгыһыт, кэргэнэ Никифорова Евдокия Григорьевна 1987 сыллаахха өлбүтэ. Ииппит оҕолоро Иван, ЛюдмилаДьокуускай куоракка олороллор. Арҕааҥы фроҥҥа сэриилэспитэ. Икки төгүл араанньылаах. «Японияны кыайыы иһин», «Германияны кыайыы иһин» мэтээллэринэн наҕараадаламмыта. 1975 сыллаахха өлбүтэ.

БУРЦЕВ АНДРЕЙ ИВАНОВИЧ (1915-1943)

1915 сыллаахха төрөөбүт. Чурапчы военкоматынан ыҥырыллыбыт. 49-с гвардейскай стрелковай дивизия 149-с гвардейскай стрелковай полкатын рядовойа. 1943 сыллаахха тохсунньу 21 күнүгэр өлбүт, Ростовскай уобалас Спорный хуторыгар көмүллүбүт.

БУРНАШЕВ ПЕТР НИКОЛАЕВИЧ (1904-1948)

1904 сыллаахха төрөөбүт. Бухгалтер идэлээх, кэргэнэ Окоемова Евдокия Филипповна 1998 сыллаахха өлбүтэ, уола Бурнашев Петр Петрович Тулунаҕа олорор. Илиҥҥи фроҥҥа сэриилэспитэ. «Германияны кыайыы иһин» мэтээлинэн наҕараадаламмыта. 1948 сыллаахха өлбүтэ.

БУРНАШЕВ НИКАНОР РОМАНОВИЧ (1926-1979)

1926 сыллаахха төрөөбүт. Сибээс үлэһитэ, монтер. Кэргэн, оҕо суох. Илиҥҥи фроҥҥа сэриилэспит. «Японияны кыайыы иһин», «1941-45 сс. Аҕа дойду Улуу сэриитин сылларыгар килбиэннээх үлэтин иһин» мэтээллэринэн наҕараадаламмыта. 1979 сыллаахха өлбүтэ.

БУРНАШЕВ МИХАИЛ ИЛЬИЧ (1917-1991)

1917 сыллаахха төрөөбүт. Бухгалтер идэлээх, кэргэнэ Крылова Варвара Гаврильевна, оҕолоро: уола Иван 2009 сыллаахха өлбүтэ, кыыстара Галина идэтинэн бухгалтер. Арҕааҥы фроҥҥа сэриилэспитэ. Аҕа дойду сэриитин II степеннээх орденынан, «Германияны кыайыы иһин» уонна юбилейнай мэтээллэринэн наҕараадаламмыта. 1991 сыллаахха өлбүтэ.