АТЛАСОВ ИВАН ИВАНОВИЧ (1920-1990)

1920 сыллаахха төрөөбүт. Дьокуускай куоракка РАБФАК бүтэрбит, аҕата Атласов Иван Устинович, 3 балтылаах, үһүөн Еленалар, сиэн аймахтара Дьокуускайга, Бороҕоҥҥо олороллор. Үөрэх министерствотын инструкторынан, Уус-Алдаҥҥа район сэбиэдиссэйинэн, Мүрү орто оскуолатын директорынан үлэлээбитэ. 1962 сыллаахха кэргэнин дойдутугар Тамбовскай уобаласка көспүтэ. Онно эмиэ оскуола директорынан үлэлээбитэ. 1990 сыллаахха өлбүтэ. Арҕааҥы фроҥҥа сэриилэспитэ. Аҕа дойду сэриитин 1 степеннээх, икки Кыһыл Сулус орденнарынан, «Хорсунун иһин», «Германияны кыайыы иһин» мэтээллэринэн наҕараадаламмыта.

АРЖАКОВ НИКОЛАЙ ДМИТРИЕВИЧ (1915-1943)

1915 сыллаахха төрөөбүт. 1942 сыллаахха атырдьах ыйын 20 күнүгэр Чурапчы военкоматынан ыҥырыллыбыт. Кэбээйи оройуонугар райфин отдел сэбиэдиссэйинэн үлэлии сылдьан барбыт. 1943 сыллаахха муус устар 27 күнүгэр 1303 №-дээх госпитальга өлбүт. Саратовскай уобалас Энгельс куоракка көмүллүбүт. Кэргэнэ, оҕото суох. Аймаҕа Сивцева Розалия Гаврильевна Бороҕоҥҥо олорор.

АРЖАКОВ ЕГОР ПЕТРОВИЧ (1925-1986)

1925 сыллаахха төрөөбүт. Суоччут. Маҥнайгы кэргэнэ Местникова Ефросинья Васильевна 1989 сыллаахха өлбүтэ, 4 оҕолоохтор. 1943 сыллаахха Чурапчытааҕы военкоматынан ыҥырыллыбыт. 1944 сыллаахха доруобуйатын туругунан төннөн кэлбит уонна «Кыһыл күүс» колхозка суоччутунан үлэлээбит, кэлин Калинин, Партизан Заболоцкай аатынан, «Маяк» колхозтарга, Герой Егоров аатынан совхозка бухгалтеры- нан үлэлээбитэ. Иккис кэргэнэ Захарова Елена Еремеевна, 1 кыыс оҕолоохтор, Дьокуускай куоракка олорор. Илиҥҥи фроҥҥа сэриилэспит. «Германияны кыайыы иһин», «1941-45 сс. Аҕа дойду сэриитин сылларыгар килбиэннээх үлэтин иһин» мэтээллэринэн наҕараадаламмыта. 1986 сыллаахха өлбүтэ.

АРЖАКОВ ЕГОР (ГЕОРГИЙ) МИХАЙЛОВИЧ (1917-1943)

1917    сыллаахха төрөөбүт. Чурапчы военкоматынан ыҥырыллыбыт. 244-с стрелковай дивизия 913-с стрелковай полкатын рядовойа. 1943 сыллаахха атырдьах ыйын 16 күнүгэр өлбүт. Украинаҕа Донецкай уобалас Богородичное сэлиэнньэҕэ көмүллүбүт. Ийэтэ Аммосова Матрена Васильевна 1975 сыллаахха өлбүт. Балта Аржакова Варвара Михайловна.

рядовой, СП 244 СД, 1917г.р., уроженец 2-Легойского наслега Усть-Алданского района, якут, б/п, призван 15.08.1941 года  Мегино-Кангаласским РВК, погиб 16.08.1943г., захоронен в с.Богородичное Донецкой области Украина. (Память, 3 том, стр 26, №493)

АММОСОВ МИХАИЛ ВАСИЛЬЕВИЧ (1896-1943)

1896 сыллаахха төрөөбүт. Саһылыкааҥҥа учууталлыы олорон Чурапчы военкоматынан 1942 сыллаахха сэриилэһэр аармыйаҕа ыҥырыллыбыт. 1943 сыллаахха олунньу 8 күнүгэр өлбүт. Псковскай уобалас Черенцово дэриэбинэтигэр көмүллүбүт. Кэргэнэ Аммосова Фекла, уолаттара Аммосов Михаил Михайлович, Аммосов Анатолий Михайлович. Сиэнэ Ольга Михайловна Чурапчы улууһугар Дириҥ орто оскуолатыгар биология учууталынан үлэлиир.