ДЕГТЯРЕВ ПЕТР СЕМЕНОВИЧ (1924-1943)

1924 сыллаахха төрөөбүт. 1942 сыллаахха балаҕан ыйын 29 күнүгэр Чурапчы военкоматынан ыҥырыллыбыт. 1943 сыллаахха кулун тутар 18 күнүгэр өлбүт. Ростовскай уобалас Видный хуторыгар көмүллүбүт. Ийэтэ, аҕата эрдэ өлбүтүгэр, убайа Егор Семенович атын оройуоҥҥа баран өлбүт. Аймаҕа Дегтярев Петр Емельянович оҕолоро Тулунаҕа олороллор.

ДЕГТЯРЕВ ПЕТР ЕМЕЛЬЯНОВИЧ (1927-2005)

1927сыллаахха төрөөбүт. Колхозтаах. 1945 сыллаахха саас Чурапчы военкоматынан ыҥырыллыбыт. Япония сэриитигэр тас Монголиянан Харбин, Хайлар куораттарынан сылдьыбыта. Армияттан 1951 сыллаахха демобилизацияланан кэлбит. Онтон ыла колхоз, совхоз үлэһитэ этэ, кэргэнэ Бурцева Александра Ивановна 1996 сыллаахха өлбүтэ.

10 оҕолоохтор, оҕолоро, сиэннэрэ Дьокуускайга, Кэптэнигэ, Тулунаҕа олороллор. Илиҥҥи фроҥҥа сэриилэспит.

«Японияны кыайыы иһин», «1941-45 сс. Аҕадойду сэриитин сылларыгар килбиэннээх үлэтин иһин» уонна юбилейнай мэтээллэринэн наҕараадаламмыта. 2005 сыллаахха өлбүтэ.

ДЕГТЯРЕВ МИХАИЛ СЕМЕНОВИЧ (1920-1942)

1920 сыллаахха төрөөбүт. Чурапчы военкоматынан ыҥырыллыбыт. 202-с стрелковай дивизия 134-с туспа хайыһар батальонун рядовойа. 1942 сыллаахха олунньу 12 күнүгэр өлбүт. Ленинградскай уобалас Горчица дэриэбинэтигэр көмүллүбүт. Балтылара Дегтярева Надежда Васильевна, Варвара Семеновна Тулунаҕа олороллор.

ДЕГТЯРЕВ МИХАИЛ ПЕТРОВИЧ (1916-1944)

1916 сыллаахха төрөөбүт. 1942 сыллаахха бэс ыйыгар Чурапчы военкоматынан ыҥырыллыбыт. 23-с гвардейскай стрелковай дивизия 68-с гвардейскай стрелковай полкатын рядовойа. 1944 сыллаахха тохсунньу 21 күнүгэр өлбүт. Новгородскай уобалас Поддорскай оройуонун Медушки дэриэбинэтигэр көмүллүбүт. Кэргэнэ Копырина Екатерина Семеновна, уола Дегтярев Михаил Михайлович Тулунаҕа 2003 сыллаахха өлбүтэ.

ДЕГТЯРЕВ ИВАН ИННОКЕНТЬЕВИЧ (1922-1944)

1922 сыллаахха төрөөбүт. Чурапчы военкоматынан ыҥырыллыбыт. 63-с стрелковай дивизия 29-с стрелковай полкатын көмөлөһөөччү наводчига, сержант. 1944 сьллаахха от ыйын 14 күнүгэр өлбүт. Белоруссияҕа Минскэй уобалас Жмури дэриэбинэтигэр көмүллүбүт.