Легойский 2-й наслег
ДЕГТЯРЕВ ИВАН ИВАНОВИЧ (1920-1944)
1920 сыллаахха төрөөбүт. 1942 сыллаахха ахсынньы 28 күнүгэр Чурапчы военкоматынан ыҥырыллыбыт. 1944 сыллаахха бааһырыытынан госпитальга өлбүт. Пермскэй уобалас Кунгур куорат Ледяная Гора кылабыыһатыгар көмүллүбүт. «Кыһыл күүс» колхозка биригэдьиирдээбит. Ийэтэ Павлова Марфа Тимофеевна, убайа Дегтярев Иннокентий Иванович. Кэргэн, оҕо суох. Аймахтара Тулунаҕа олороллор.
ДЕГТЯРЕВ ГАВРИЛ ВАСИЛЬЕВИЧ (1910-1945)
1910 сыллаахха төрөөбүт. 1943 сыллаахха от ыйын 8 күнүгэр Чурапчы военкоматынан ыҥырыллыбыт. 1945 сыллаахха олунньу 6 күнүгэр өлбүт. Илиҥҥи Пруссияҕа Хайсберг куоракка көмүллүбүт. Кэргэнэ Мигалкина Дария Семеновна, оҕо суох, балта Дегтярева Надежда Васильевна 1922 сыллаах төрүөх, Бороҕоҥҥо олорор.
ДЕГТЯРЕВ АФАНАСИЙ КОНСТАНТИНОВИЧ (1913-1988)
1913 сыллаахха төрөөбүт. Колхозтаах. 1941 сыллаахха Чурапчы военкоматынан ыҥырыллыбыт. Арҕааҥы фроҥҥа стрелок-автоматчик быһыытынан сэриилэспит. Сэриигэ 2 төгүл араанньы буолбут. 1942 сыллаахха төннөн кэлбит. 1943 сыллаахха иккистээн ыҥырыллан Калинин куоракка байыаннай заводка үлэлээбит. Дойдутугар кэлэн биригэдьииринэн, кэлин саһыл ферматыгар үлэлээбит. Маҥнайгы кэргэнэ Марфа Михайловна 1952 сыллаахха өлбүт, онтон 2 оҕо хаалбыт, Мария 2007 сыллаахха, Афанасий 2002 сыллаахха өлбүттэрэ, иккис кэргэнэ Прасковья Ивановна Кириллова, кыыстара Прасковья Бээрийэҕэ олорор. Аҕа дойду сэриитин II степеннээх орденынан, «Германияны кыайыы иһин» уонна юбилейнай мэтээллэринэн наҕараадаламмыта. 1988 сыллаахха өлбүтэ.
ДЕГТЯРЕВ АНТОН КОНСТАНТИНОВИЧ (1924-1986)
1924 сыллаахха төрөөбүт. Армияттан кэлэн баран милицияҕа, онтон мясомолпромҥа приемщигынан, экспедиторынан үлэлээбитэ. Илиҥҥи фроҥҥа сэриилэспитэ. Аҕа дойду сэриитин II степеннээх орденынан, «Японияны кыайыы иһин» уонна юбилейнай мэтээллэринэн наҕараадаламмыта. 1986 сыллаахха өлбүтэ.
ГАБЫШЕВ ХАРИТОН АММОСОВИЧ (1898-1951)
1898 сыллаахха төрөөбүт. Колхозтаах, кэргэннээх, оҕолоро: уола Зосим 9 оҕолоох, 2010 сыллаахха. өлбүтэ, кыыһа Татьяна 3 оҕолоох. Илиҥҥи фроҥҥа сэриилэспит. 1951 сыллаахха өлбүтэ.
ГАБЫШЕВ ФЕДОР РОМАНОВИЧ (1914-1996)
1914 сыллаахха төрөөбүт. Колхозтаах. 1943 сыллаахха Чурапчытааҕы военкоматынан ыҥырыллыбыт. Бастаан Илин Монголияҕа 67-с стрелковай полкаҕа, онтон 76-с мотострелковай чааска стрелогунан сулууспалаабыт. 1946 сыллаахха армияттан кэлбит. Колхоз, совхоз производственнига, кэргэнэ Копырина Дария Михайловна, кыыстара Евдокия 2002 сыллаахха өлбүтэ. Аҕа дойду сэриитин II степеннээх орденынан, «Японияны кыайыы иһин» уонна юбилейнай мэтээллэринэн наҕараадаламмыта. 1996 сыллаахха өлбүтэ.
Страница 16 из 23