НИКИФОРОВ КОНСТАНТИН НАУМОВИЧ (1915-1943)

1915    сыллаахха төрөөбүт. 1942 сыллаахха Чурапчы военкоматынан ыҥырыллыбыт. 1943 сыллаахха бэс ыйын 26 күнүгэр өлбүт. Ханна көмүллүбүтэ биллибэт. Кэргэнэ Бурнашева Марфа Павловна, оҕото суох. Аймахтара Никифорова Клара Григорьевна Тулунаҕа олорор.

НИКИФОРОВ ИННОКЕНТИЙ ПРОКОПЬЕВИЧ (1922-2008)

1922    сыллаахха төрөөбүт. Колхозтаах, 1943 сыллаахха Чурапчы военкоматынан ыҥырыллыбыт, 3 Белорусскай фроҥҥа 19-с стрелковай дивизия стрелога, младшай сержант Прибалтиканы, Белоруссияны босхолооһуҥҥа уонна Илиҥҥи Пруссияны сэриилээн ылыыга кыттыбыта, сэриини Кенинсберг куоракка түмүктээбитэ. 2 төгүл бааһырбыта. Армиягган 1945 сыллаахха күһүн кэлбитэ. Колхозка, совхозка 25 сыл биригэдьиирдээбитэ. Кэргэнэ Атласова Мария Васильевна 2000 сыллаахха өлбүтэ, 10 оҕолоохтор, оҕолоро, сиэннэрэ Дьокуускайга, Бороҕоҥҥо, Тулунаҕа олороллор. Арҕааҥы фроҥҥа сэриилэспитэ. Аҕа дойду сэриитин I степеннээх орденынан, «Хорсунун иһин», «Кенинсберы ылыы иһин», «Германияны кыайыы иһин» уонна юбилейнай мэтээллэринэн наҕараадаламмыта. 2008 сыллаахха өлбүтэ.

НАХОДКИН СЕМЕН РОМАНОВИЧ (1920-1942)

1920 сыллаахха төрөөбүт. 1941 сыллаахха атырдьах ыйын 15 күнүгэр Чурапчы военкоматынан ыҥырыллыбыт. 1942 сыллаахха муус устар 28 күнүгэр өлбүт. Смоленскай уобалас Ельня куоратыгар көмүллүбүт. Ийэтэ Акулина 1970 сыллаахха өлбүт, балта Находкина Анна Романовна 2000 сыллаахха өлбүт, ииппит кыыһа Мындаабаҕа олорор.

НАХОДКИН ИННОКЕНТИЙ ЕВТРОФЕЕВИЧ (1917-1945)

1917 сыллаахха төрөөбүт. 1942 сыллаахха атырдьах ыйын 20 күнүгэр Чурапчы военкоматынан ыҥырыллыбыт. 1945 сыллаахха муус устарга Берлин анныгар сэриигэ өлбүт. Аҕата Евтрофей, ийэтэ Аммосова Анастасия Васильевна, быраата Илья Евтрофеевич, балта Евдокия Евтрофеевна. Аймахтара Тулунаҕа, Бороҕоҥҥо олороллор.

МИГАЛКИН ТИХОН САВВИЧ (1924-????)

1924 сыллаахха төрөөбүт. 1941 сыллаахха Чурапчы военкоматынан ыҥырыллыбыт. Ханна өлбүтэ, көмүллүбүтэ биллибэт. Кэргэнэ, оҕото суох. Убайдара Семен, Алексей, эдьиийэ Александра, балта Матрена Кэптэнигэ олорон өлбүттэрэ.