АФАНАСЬЕВ ВАСИЛИЙ ВАСИЛЬЕВИЧ

   1942 сыллаахха аармыйаҕа ыҥырыллыбыта. 1942 сыллаахха өлбүтүн туһунан биллэриитэ кэлбитэ. Сулууспалаабыт чааһа, ханна өлбүтэ чуолкайдаммата.

СТРЕКАЛОВСКАЙ ИВАН ЕФРЕМОВИЧ

    1942 сыллаахха В.Д. Лонгиновтыын фроҥҥа бииргэ барбыттара. 1943 сыллаахха 206-с дивизия 772-с стрелковай полкатыгар сулууспалыы сылдьан Новгородскай уобалас сиригэр кыргыһыыга өлбүтэ. Лонгиновтыын биир чааска сулууспалаабыттара.

ТАРСКАЙ СЕМЕН ПРОКОПЬЕВИЧ

      1942 сыл бэс ыйыгар аармыйаҕа ыҥырыллыбыта. Иркутскай уобалас сиригэр кылгас болдьоххо байыаннай үөрэххэ үөрэнэн баран фроҥҥа аттаммыта. Сталинград куораты көмүскүүр кыргыһыыларга кыттыбыта, 3 төгүл бааһыран госпиталга киирэ сылдьыбыта. Хорсунун иһин сэриигэ ылбыт бойобуой уордьаннааҕын, мэтээллэрдээҕин туһунан дьонугар суруйара. Украинскай фронт састаабыгар сэриилэһэ сылдьан 1943 сыл кулун тутар 13 күнүгэр геройдуу өлбүтүн туһунан биллэриитэ дьонугар 1944 сыл от ыйыгар кэлбитэ. Көмүс уҥуоҕа Калужскай уобалас Сухиничскай оройуонун Будда-Монастырская дэриэбинэтигэр көмүллүбүт.

ЖИРКОВ ГРИГОРИЙ ВАСИЛЬЕВИЧ

    1942 сыллаахха сэриилэһэ барбыта. Хомойуох иһин ханнык чааска, хайа миэстэҕэ сэриилэспитэ, өлбүтэ чуолкайдаммакка хорсун буойун бойобуой сырыыларын туһунан сурукка хаалларар кыаллыбата.

УШНИЦКАЙ НИКОЛАЙ ДМИТРИЕВИЧ

      1941 сыллаахха бастакы хомуурга аармыйаҕа ыҥырыллыбыта. 1943 сыллаахха кыргыһыыга өлбүт биллэриитэ кэлбитэ.