МОЛОКОТИН МИХАИЛ ПРОКОПЬЕВИЧ

      1941 сыллаахха бастакы хомуурга аармыйаҕа ыҥырыллыбыта. 1942 сыллаахха кыргыһыыга өлбүтүн туһунан биллэриитэ кэлбитин ийэтигэр кыайан туттарбакка кистээн кэбиспиттэрэ.

ЖИРКОВ КОНСТАНТИН НИКОЛАЕВИЧ

     1941 сыллаахха аармыйаҕа ыҥырыллыбыта. 19-с гвардейскай стрелковай дивизия 87-с гвардейскай стрелковай полкатын рядовойунан сулууспалыы сылдьан Москва көмүскэлигэр 1942 сыллаахха кыргыһыыга охтубута. Смоленскай уобалас Будда дэриэбинэтигэр көмүллүбүт.

ЖИРКОВ МИХАИЛ ПЕТРОВИЧ

     1941 сыл атырдьах ыйын 10 күнүгэр аармыйаҕа ыҥырыллыбыта. Мальта станциятыгар Забайкальскай байыаннай уокурук 523-с стрелковай полкатыгар сулууспалаабыта. 1942 с. Ленинграды босхолуур иһин кыргыһыыларга кыттыыны ылбыта. 1943 сыллаахха кыргыһыыга өлбүтэ. «Ленинграды босхолуур иһин» мэтээлэ өлбүтүн кэннэ ийэтигэр туттарыллыбыта.

НОВГОРОДОВ СТЕПАН МАТВЕЕВИЧ

    1942 сыллаахха аармыйаҕа ыҥырыллыбыта. 1943 сыллаахха өлбүтүн туһунан биллэриитэ кэлбитэ. Сулууспалаабыт чааһа, миэстэтэ чуолкайдаммата.