Дюпсюнский наслег
СИВЦЕВ ДМИТРИЙ ЛЬВОВИЧ I
Маралаайы алаас куулатыгар олохтоох Сивцев Лев Васильевич дьиэ-кэргэнигэр бастакы оҕонон төрөөбүтэ. 7 кылаас үөрэхтээх. Оскуола үрдүкү кылаастарыгар үөрэнэ сылдьан граната быраҕыытыгар улахан дьону кытта күрэхтэһэн 3 миэстэҕэ тиксэ сылдьыбыта, 71 метр ыраахха бырахпыта. Үлэни кыайар эдэр уол от охсуутугар, кэбиһиитигэр, сиэмэ астааһыныгар, от-мас кэрдиитигэр, тиэйиитигэр-таһыытыгар сылдьар хоһуун үлэһит буолта. Сэрии бүтүүтүн саҕана аармыйаҕа ыҥырыллан, ытык иэһин толорон сулууспалаан кэлбитэ.
СИВЦЕВ АФАНАСИЙ ТЕРЕНТЬЕВИЧ
1944 сыллаахха аармыйаҕа ыҥырыллыбыта. Илиҥҥи кыраныыссаҕа сулууспалаабыта. Япония сэриилэрин үлтүрүтүүгэ кыттыбыта. «Японияны кыайыы иһин» мэтээллээх дойдутугар эргиллибитэ. Найахыга олохсуйан үлэлээбитэ. Кэлин Аҕа дойду сэриитин II степеннээх уордьанынан наҕараадаламмыта.
МАКСИМОВ МИХАИЛ НЕСТЕРОВИЧ
1943 сыллаахха аармыйаҕа ыҥырыллан МНР-га 141 -с отдельнай караульнай ротаҕа сулууспалаабыта. 1945 с. генерал-лейтенант Кравченко командующайдаах 64-с гвардейскай танковай армия 57-с десантнай дивизия састаабыгар киирсэн Японияны үлтүрүтүспүтэ. Улахан Хинган хайатын уҥуордаан Харбин, Мукден куораттары босхолоспута. Япон байыаннай билиэннэйдэрин конвойдаан Советскай Союзка аҕалыыга сорудаҕын чиэстээхтик толорбута. «Японияны кыайыы иһин», МНР икки мэтээллэринэн, Аҕа дойду сэриитин II степеннээх уордьанынан наҕараадаламмыта.
МАКСИМОВ ГАВРИЛ НЕСТЕРОВИЧ
1943 сыллаахха аармыйаҕа ыҥырыллан МНР территориятыгар 17-с армия 141 караульнай чааһыгар сулууспатын саҕалаабыта. Кэлин 57-с стрелковай дивизия 80-с мотострелковай полкатыгар стрелогунан, автоматчигынан, ручной уонна станковай пулеметчигынан, снайперынан, санитарынан сулууспалаабыта, саллаакка үгүс наадалаах идэлэри баһы-лаабыта.
1945 сыл атырдьах ыйын 9 күнүгэр Советскай Союз икки төгүллээх Геройа генерал-лейтенант Кравченко командующайдаах 6-с гвардейскай танковай армияҕа кинилэр дивизияларын сыһыаран Хайлар куораты босхолуур кыргыһыыга кыттыыны ылбыта. Салгыы Улахан Хинган хайатын туораан, Мукден куораты улахан охсуһуута суох босхолообуттара. Германияны, Японияны кыайыы иһин мэтээллэрдээх, Сталин илии баттааһыннаах Махтал суруктаах дойдутугар эргиллибитэ.
СИВЦЕВ НИКОЛАЙ ТЕРЕНТЬЕВИЧ
1941 сыллаахха фроҥҥа ыҥырыллан тиийэн Москва көмүскэлигэр кыргыһыыга сылдьан бааһырбыта. Эмтэнэн үтүөрэн баран Ленинградскай фроҥҥа сэриилэһэн иккиһин ыараханнык бааһыран, II группалаах инбэлиит буолан 1943 сыллаахха дойдутугар эргиллибитэ. Сержант Сивцев икки бойобуой мэтээллэринэн наҕараадаламмыта.
СИВЦЕВ ВАСИЛИЙ НИКОЛАЕВИЧ
1943 сыллаахха фроҥҥа ыҥырыллан тиийэн, 582-с стрелковай полк 6-с стрелковай ротатыгар сулууспалаабыта, бу чааска сылдьан Японияны урусхаллыыр сэриигэ кыттыыны ылбыта. «Японияны кыайыы иһин» мэтээллээх дойдутугар эргиллибитэ.
Оройуон киинигэр олохсуйбута. Промкомбинакка өр сыл сто-лярынантаһаарыылаахтык үлэлээбитэ. «В.И.Ленин төрөөбүтэ 100 сыла туолуутун бэлиэтээн. Килбиэннээх үлэтин иһин» мэтээллээх, Саха АССР Верховнай Советын Президиумун Бочуотунай грамотатынан наҕараадаламмыта, тэрилтэтин Бочуотун кинигэтигэр киллэриллибитэ. Коммунистическай үлэ ударнигын чиэстээх аатын ылбыта.
Страница 3 из 32