1913 сыллаахха элбэх оҕолоох Ефимовтар дьиэ-кэргэннэригэр төрөөбүтэ. Сибээс үөрэҕин ситиһиилээхтик бүтэрэн, Бүлүү оройуонугар ананан үлэлии сылдьыбыта. 1942 сыллаахха Өлүөхүмэ оройуонуттан быраата Романныын бииргэ сэриигэ аттаммыттара. 1241-с стрелковай полк састаабыгар киирэн Сталинград куорат иһин кыргыһыыга 1942 сыллаахха хорсуннар өлүүлэринэн өлбүтэ, манна көмүллүбүтэ. 

Төрөөбүт сирэ Тандыгы үрэҕэ—Тэбириэс өтөҕө. Сэттэ кылаас үөрэхтээх. Сэриигэ Таммах атгыгар Тимир өтөх диэн сиртэн 1943 с. ыҥырыллыбыт. Армияттан 1946 с. кэлэн баран колхозка уһуннук бухгалтерынан үлэлээбит. Кэргэнэ Оготоева Елена Петровна. 6 оҕолоох, сиэннэрдээх. Аҕа дойду сэриитин II ст. орденынан, «Японияны кыайыы иһин», «1941 -45 сс. Аҕа дойду сэриитин сылларыгар килбиэннээх үлэтин иһин» мэтээллэринэн наҕараадаламмыт

СЛЕПЦОВ Иннокентий Иннокентьевич (1...-1973)

     Улгуйаҕа “Кыһыл Союзка” Түүлээх нэһилиэгэр төрөөбүтэ. Түүлээх оскуолатыгар сэттиһи бүтэрбитэ. Мүрүгэ киэһээнни оскуолаҕа уерэнэн онуһу уонна кэлин уни­верситет инженернэй-техническэй факультетын бүтэр­битэ. 1943 сыл бэс ыйын 8 күнүгэр Чурапчы военкоматынан армияҕа ыҥырыллыбыта. Монголия Народнай Республикатыттан 1945 сыллаахха ыалдьан дойдутугар кэлбитэ. Покровскайга атыылааччылаабыта. Бороди­но стройучаастакка тутуу прорабынан үлэлээбитэ. Үлэ Кыһыл Знамята орденынан наҕараадаламмыта. 1975 сыллаахха өлбүтэ.

Лейтенант ИВАНОВ ТИМОФЕЙ АФАНАСЬЕВИЧ

     1942  сыллаахха аармыйаҕа ыҥырыллыбыта. Забайкальскай байыаннай уокурукка 209-с, 275-с стрелковай дивизияларга взвод командирынан, всеобуч инструкторынан сулууспалаабыта. 1946 сыллаахха демобилизацияланан кэлиэҕиттэн Уус-Алдан, Горнай оройуоннарыгар партийнай аппараакка үлэлии сылдьыбыта.

МАКСИМОВ ДМИТРИЙ ФЕДОРОВИЧ

    1943 сыллаахха аармыйаҕа ыҥырыллан 430-с стрелковай полк састаабыгар киирсэн, Хинган хайатын туоруур ыарахан походка сылдьыбыта. 1945 сыллаахха японскай милитаристары үлтүрүтүүгэ активнай кыттыыны ылбыта. "Германияны кыайыы иһин», «Японияны кыайыы иһин» мэтээллэрдээх