1912 с. 2 Өспөх нэһилиэгэр Арҕаа Уҥуор Чүүйү диэн сиргэ дьадаҥы кэргэҥҥэ төрөөбүтэ. 1929 с. поселковай табаарыстыбаттан салҕалаан “Чагдаайы” колхоз чилиэнэ буолар. 1942 с. атырдьах ыйын 12 күнүгэр
армияҕа ыҥырыллыбыта. Эдэриттэн сыыспат ытааччы, сааһыт. Иркутскай уобаласка 858-с саппаас стрелковай полкаҕа, онтон Монголияҕа 61-с мотострелковай полка 3-с ротатыгар сулууспалаабыта. Маньчжурияҕа Япония империалистарын үлтүрүтүүгэ кыттан, 1945 с. "Бойобуой үтүөлэрин иһин”, “Японияны кыайыы иһин” медаллардаах дойдутугар эргиллибитэ. Кэлээт да урукку идэтинэн биригэдьииринэн 1959 сылга диэри үлэлээбитэ.
1959-61 сс. саҥа тэриллибит кролик xahaaйыстыбатыгар сэбиэдиссэйдээбитэ. Билигин пенсияҕа да таҕыстар кадровай булчут быйһытынан дойду валютнай фондун xaҥaтыһар. Аҕа дойду 2-с степеннээх орденынан
уонна элбэх юбилейнай медаллардаах. “Коммунизм” колхоз “Бочуоттаах колхозтааҕа” үрдүк аатын чиэстээх үлэтинэн ылбыта. 1990 с. Уус-Алдан оройуонун “Бочуоттаах гражданина”.
Николай Иванович 1992 сыл өлбүтэ. Дыгдаалга көмүллүбүтэ.

1925 с. 2-с Өспөх нэһилиэгэр дьадаҥы кэргэҥҥэ төрөөбүтэ. Прокопий Евстафьевич бииргэ төрөөбүт быраата. Өспөх начальнай оскуолатын бүтэрбитэ. “Үүнэр күүс” колхозка үлэлии сылдьан, 18 сааһын туолаат, 1943 с.
от ыйын 2 күнүгэр армияҕа ыҥырыллыбыта. 1947 с. эргиллэн кэлэн баран, Бороҕоҥҥо онтон кэлин Дьокуускайга олохсуйан рабочайдаабыта. 1947 с. өлбүтэ. 

 1924 с. 2 Өспөх нэһилиэгэр Арҕаа Уҥуор Чүүйүгэ элбэх оҕолоох дьадаҥы кэргэҥҥэ төрөөбүтэ. 1938 с. начальнай оскуоланы бүтэрэн баран, "Үүнэр олох" колхозка үлэлии сылдьан, 1943 с. от ыйын 1 күнүгэр армияҕа ыҥырыллан, импералистическай Японияны үлтүрүтүүгэ кыттыбыта. "Бойобуой үтүөлэрин иһин", "Японияны кыайыы иһин" медаллардаах, 1947 с. бэс ыйын 10 к. дойдутугар эргиллибитэ.

Тэрийэр, салайар дьоҕурдаах Егор Яковлевич 1973 сылга диэри наар биригэдьииринэн,  сайынын оттооһуҥҥа звеноводунан далааһыннаахтык үлэлээн кэлбитэ, 1973 сылтан сылгыһытынан, старшай сылгыһытынан олоҕун тиһэх мүнүүтэтигэр тиийэ үлэлээбитэ. 1981 с. алтынньы 8 к. ыҥыырын үрдүттэн хомолтолоохтук сырдык олоҕо быстыбыта. Кини бойобуой сырыылара уонна дьулуурдаах үлэтэ, аҕыс медалларынан, социалистическай куоталаһыы элбэх знактарынан, партия обкомун, партия райкомун, Саха АССР Верховнай Советын, Комсомол обкомун, райсовет исполкомун у.д.а. тэрилтэлэр бочуотунай грамоталарынан, дипломнарынан бэлиэтэммитэ.

Кэргэнэ - "Герой Ийэ" Анна Дмитриевна уон оҕотуттан билигин тоҕуһун, элбэх сиэннэрин кытта олорор.

1910 с. II Өспөх нэһилиэгэр дьаданы кэргэҥҥэ төрөөбүтэ. Начальнай оскуоланы бүтэрэн баран, онон муҥурдаммыта. Бөдөҥ-садаҥ, астык керүҥнээх, үлэни хамнаһы кыайыгас киһи этэ. “Үүнэр күүс” колхозка үлэлии сырыттаҕына, нэһилиэк советыгар секретарынан ылбыттара. Онтон кэлин сельсовет исполкомун председателинэн үлэлээбитэ.
1941 с. атырдьах ыйын 12 кунугэр армияҕа ыҥырыллыбыта уонна 93-с стрелковай дивизия састаабыгар сэриилэспитэ. Сэтинньи 9 күнүгэр 1941 с. 93-с стрелковай дивизия обороналанан сытар сиринэн, Подольскай
куоратынан Москва^ҕа барар суолу солоноору, немецкэй командование 100 танкалаах икки пехотнай дивизияны туруорбута. Бу тэҥэ суох, хабыр күүстэр күөн көрсөн киирсиилэригэр, Сибиир дьоно үгүс учаастактарга олохторун толук ууран да туран өстөөҕү аһарбатахтар. Олор ортолоругар Неустроев Иван Афанасьевич эмиэ баара. (“Кыым” 1/XII-84 с.). Иван Афанасьевич дойдутугар төннүбэтэҕэ, cypaҕa суох сүппүтэ. 

1917 с. II Өспөх нэһилиэгэр дьадаҥы кэргэҥҥэ төрөөбүтэ. Колхоз тэриллиитигэр тута колхозка киирэн, биир бастыҥ үлэһитинэн биллибитэ. Соҕотоҕун 30 cыapҕa оту угара. 1941 с. атырдьах ыйыгар армияҕа ыҥырыллыбыта. 1943 сыл атырдьах ыйыгар диэри Ленин уонна Кыһыл Знамя орденнардаах 108-с стрелковай дивизия 707-с стрелковай полкатыгар стрелогунан сылдьыбыт. Калуга, Звенигород, Вязьма хайысхаларынан   сэриилэһэ сылдьан хаҥас илиитигэр, атаҕар, көхсүгэр ыараханнык араанньы буолан госпитальга эмтэнэр. Салгыы кыргыһыы хонуутугар төннөн, Смоленскай, Минскэй куораттарга хабыр хапсыһыыга сылдьан иккиһин икки илиитигэр араанньы ылан II группалаах инбэлиит буолан, 1943 с. Тиксиигэ балык собуотугар улэҕэ ыытыллар.
1945 с. дойдутугар эргиллэн кэлэр. Сэрииттэн Албан аат III степенэ орденнаах эргиллибитэ. 1960 с. Намҥа олохсуйбута. Үлэ ветерана, элбэх үбүлүөйүнэй мэтээллэринэн наҕараадаламмыта.
1983 сыллаахха ыалдьан өлбүтэ.