1923 с. Өспөх нэһилиэгэр төрөөбүтэ. "Сардаҥа" колхозка араас үлэлэргэ сылдьыбыта. 1944 с. армияҕа ыҥырыллыбыта уонна сураҕа суох сүппүтэ.

1921 с. 2 Өспөх нэһилиэгэр Иирэлээх диэн сиргэ дьадаҥы кэргэҥҥэ төрөөбүт.

Колхоз биир дьоҕурдаах, саталлаах үлэһитин быһыытынан сырыттаҕына, 1942 с. бэс ыйын 23 к.армияҕа ыҥырыллыбыта.

Ол баран дойдутугар эргиллибэтэҕэ, сураҕа суох сүппүт.

1920 с. 2-с Өспөх нэһилиэгэр дьадаҥы кэргэҥҥэ төрөөбүтэ. Николай Евстафьевич бииргэ төрөөбүт убайа. Начальнай оскуоланан үөрэҕэ муҥурдаммыта.

Аргыл курдук бөдөҥ, ханнык баҕарар үлэттэн иҥнэн-толлон турбат киһи этэ.

"Үүнэр күүс" колхозка үлэлии сылдьан, 1942 с. бэс ыйын 23 к. армияҕа ыҥырыллан барбыта уонна уоттаах сэрииттэн ордон дойдутугар эргиллибэтэҕэ. Сураҕа суох сүппүтэ.

Аҕалара - Евстафий оҕонньор болуотунньук идэлээҕэ. Кэргэнэ эрдэ өлбүтэ, оҕонньор икки уолун сэриигэ ыытан баран уһаабатаҕа. Көһүргээн Арҕаа Уҥуор колхоһун сүөһүтүн көрө олорон, сэрии кэмигэр өлбүтэ.

1915 с. 2-с Өспөх нэһилиэгэр Apҕaa Уҥуор Алыһардаахха дьадаҥы ыалга төрөөбүтэ.  Семен Батыйалаахха, Дүпсүҥҥэ үөрэнэн 6 кылаһы бүтэрбитэ. Колхозка 5 сыл суоччуттуур. Онтон 3 сыл Kылаҕырга “Дальстройга” ыскылаакка уонна бухгалтерияҕа үлэлиир.
1940 с. нэһилиэк сэбиэтигэр секретарынан ананан, нэһилиэк культурнай олоҕор актыыбынайдык кыттар. Сэрии caҕаланыытыгар бастакы ыҥырыыга көрдөспүтүн ылбатахтара. Сэриигэ бииргэ сылдльыбыт Барахсин Иван уонна Макаров Николай кэпсииллэринэн Сталинградскай фроҥҥа рядовой байыас, разведкаҕа сылдьар эбит. Өстөөх күүстээх уотугар түбэһэн, илиитин, атаҕын тоҥорон госпитальга эмтэнэн баран, 1943 с. күһүн төннөн кэлэн колхозка үлэлиир.

Бултуур тэрилин бүтэһиктээхтик эһээри, эһэҕэ түбэһэн, хомолтолоохтук өлөр. Үрдүк уҥуохтаах, ыраас сэбэрэлээх, бэйэтин кыанар, сүрдээх сэмэй, дьоҥҥо ытыктанар, үлэһит киһи этэ. Киниттэн 2 оҕо, Иван, Людмила хаалан, учуутал идэлээх, хастыы да оҕолоох, ньир-бааччы ыаллар аҕалаах, ийэлэрэ буолаллар.

1907 с. 2-с Өспөх нэһилиэгэр Арҕаа Уҥуор Чүүйүгэ дьадаҥы кэргэҥҥэ төрөөбүтэ. Оскуола диэни билбэккэ улааппыта. Сытыы хотуу уол “Үүнэр олох” колхуоз биир актыыбынай колхозтaaҕын быһыытынан үлэлии-хамсыы
сылдьан, 1941 с. атырдьах ыйын 12 к. армияҕа ынырыллан барбыта.
Генерал-майор К.М. Эрастов командующайдаах, 1941 с. алтынньыга Дальнай Востоктан Арҕааҥҥы фроҥҥа аҕалыллыбыт 93-с стрелковай дивизия 129-с стрелковай полкатыгар сылдьан, алтынньы 24 к. Подольскай куоратынан Москваҕа дьулуһар өстөөхтөрү тохтоторго бирикээс ылан, ыаҕастыы кутар apдаҕы аннынан, 45 километрдаах айаны оҥорон кэлээт, батальоннарынан алтынньы 25 к. тута хабыр хапсыһыыга киирбиттэрэ. 1942 с. баас ылан дойдутугар төннөн кэлэн, колхоһугар үлэлээбитинэн барбыта. Алтынньы 25 к. Өспөхтөн хас да киһи биир poтaҕa бааллар эбит. Кэлин кадровай булчутунан сылдьан, 1973 с. өлбүт.

Haҕapaaдaлapa: “Германияны кыайыы иһин”, “ 1941-45 сс. Aҕa дойду сэриитин сылларыгар килбиэннээх үлэтин иһин” уонна юбилейнай медаллардаах.
Coҕотоx кыыһа Анна Прокопьевна — “Герой Ийэ”, пенсияҕа олорор.