КОПЫРИН ИВАН ДМИТРИЕВИЧ (1925-1949)

1925 с. Өспөх нэһилиэгэр дьадаҥы кэргэҥҥэ төрөөбүтэ. Начальнай оскуоланы бүтэрбитэ. “Үүнэр күүс” колхозка чилиэнинэн киирэн, үлэлии-хамныы сылдьан, 1943 сыл от ыйын 2 күнүгэр армияҕа ыҥырыллан барбыта. 1944 с. дойдутугар эргиллэн кэлэн, ол сайын колхоһугар оттоспута.

Ол сырыттаҕына нэһилиэк маҕаһыыныгар атыылааччынан үлэлэтээри ыҥыртаран ылбыттара. Ыалдьан уурайыар диэри атыылааччылаабыта, 1949 с. өлбүтэ.

КРИВОШАПКИН АФАНАСИЙ ЕГОРОВИЧ (1921-1986)

1921 с. II Өспөх нэһилиэгэр Чагдаайы Бэһигэр дьадаҥы кэргэҥҥэ төрөөбүтэ.

Начальнай оскуоланы бүтэрэн баран, Дүпсүн сэттэ кылаастаах оскуолатын алтыс кылааһын бүтэрбитэ. Онтон ыла 1943 сайыныгар, армияҕа барыар диэри, бири- гэдьииринэн үлэлээбитэ.

Армияҕа Читаҕа тиийэн 332-с стрелковай полкаҕа сулууспалаан, фронт аһылыкка наадыйыытын хааччыйар үлэҕэ — хортуоппуйу үүннэриигэ, көрүүгэ-харайыыга үлэлээбитэ. 1944 сыллаахха саас доруобуйата мөлтөөн, дойдутугар эргиллэн кэлбитэ уонна ферма сэбиэдиссэйинэн үлэлээбитэ. 1948-50 сс. “Чагдаайы” колхозка предсе- дателлээбитэ. 1950-57 сс. Өспөх бөдөҥсүйбүт колхоһугар И.Т.Ф.-гар сэбиэдиссэйдээ- битэ. 1957 сылтан Найахыны кытта холбоһон, өссө бөдөҥсүйбүт колхозка 5 биригээдэ биригэдьииринэн, 1960-64 сс. Баатаҕай биригээдэтин биригэдьииринэн, онтон кэлин, 1970 сылга диэри, табаарынай ферматын сэбиэдиссэйинэн үлэлээбитэ. Наҕараадалара: “ 1941-45 сс. Аҕа дойду сэриитин сылларыгар килбиэннээх үлэтин иһин”, Кыайыы 30 сылын уонна да атын юбилейнай медаллар.

Оҕолоро бастыҥ үлэһиттэр, элбэх сиэннэрдээх. 1986 с. дойдутугар ыалдьан өлбүтэ.

КОНСТАНТИНОВ АФАНАСИЙ САВВИЧ (1905-1957)

1905 с. II Өспөх нэһилиэгэр Чагдаайыга төрөөбүтэ. Оскуолаҕа үөрэммэккэ хаалбыта.

Сытыары-сымнаҕас майгылаах Афанасий бэйэтигэр туһаайыллыбыт үлэни үтүө суо- бастаахтык, лоп-бааччы толоругас этэ. 1943 с. армияҕа ыҥырыллан, Манчжурия таһыгар Даурияҕа сулууспалаабыта. Араас үлэҕэ сылдьыбыт. 1946 с. доруобуйата мөлтөөн, дойдутугар төннүбүтэ. Арыычча өрүттээт, колхуоһугар күүһэ кыайар үлэтигэр кытты- бытынан барбыта. 1957 сыллааҕы сайын субай сүөһү бостуугунан Чагдаайы Илин Хо- чотугар сайылаан олорон, эмискэ ыалдьан өлбүтэ.

КОНСТАНТИНОВ Иннокентий Львович (1915-1954)

1915 с. II Өспөх нэһилиэгэр Чагдаайыга Хоту Алаас диэн сиргэ дьадаҥы кэргэҥҥэ төрөөбүтэ, онон оскуолаҕа үөрэммэккэ хаалбыта. Кыратыттан тимир ууһа дьоҕурдаах, аҕатын батыһа сылдьан көмөлөһөрө.

Доруобуйатынан мөлтөҕө, онон салайар үлэҕэ дьоҕурдааҕынан 1941 с. фермаҕа сэбиэдиссэйинэн анаабыттара. Онно 1943 сыл от ыйын 12 күнүгэр армияҕа барыар диэри үлэлээбитэ.

II Читаҕа тиийэн биир сыл самолет өрөмүөнүгэр үлэлээбитэ. 1945 с. босхолонон кэлэн иһэн, ыалдьан госпитальга эмтэнэн, ыам ыйын бүтүүтэ дойдутун булбута.

Кэлээт да эмиэ фермаҕа сэбиэдиссэйдээбитэ, онтон кэлин бэйэтэ да дьоҕурдааҕынан, тимир ууһунан, урукку колхоһугар “Чагдаайыга” да, кэлин бөдөҥсүйбүтүн кэннэ, Дыгдаал га тахсан да баран өлүөр диэри уһаммыта. Наһаа холку, дьонугар-сэргэтигэр аламаҕай сыһыаннаах, чахчы мындыр уус талааннаах Иннокентий Львович уһун ыарахан ыарыыттан 1954 с. өлбүтэ.

Кэргэнэ — Матрена Петровна, икки оҕолоро уонна сиэннэрэ Горнай оройуонугар бааллар.

КОНСТАНТИНОВ Иннокентий Львович (1915-1954)

1915 с. II Өспөх нэһилиэгэр Чагдаайыга Хоту Алаас диэн сиргэ дьадаҥы кэргэҥҥэ төрөөбүтэ, онон оскуолаҕа үөрэммэккэ хаалбыта. Кыратыттан тимир ууһа дьоҕурдаах, аҕатын батыһа сылдьан көмөлөһөрө.

Доруобуйатынан мөлтөҕө, онон салайар үлэҕэ дьоҕурдааҕынан 1941 с. фермаҕа сэ- биэдиссэйинэн анаабыттара. Онно 1943 сыл от ыйын 12 күнүгэр армияҕа барыар диэри үлэлээбитэ.

II Читаҕа тиийэн биир сыл самолет өрөмүөнүгэр үлэлээбитэ. 1945 с. босхолонон кэлэн иһэн, ыалдьан госпитальга эмтэнэн, ыам ыйын бүтүүтэ дойдутун булбута.

Кэлээт да эмиэ фермаҕа сэбиэдиссэйдээбитэ, онтон кэлин бэйэтэ да дьоҕурдааҕынан, тимир ууһунан, урукку колхоһугар “Чагдаайыга” да, кэлин бөдөҥсүйбүтүн кэннэ, Дыгдаал га тахсан да баран өлүөр диэри уһаммыта. Наһаа холку, дьонугар-сэргэтигэр аламаҕай сыһыаннаах, чахчы мындыр уус талааннаах Иннокентий Львович уһун ыарахан ыарыыттан 1954 с. өлбүтэ.

Кэргэнэ — Матрена Петровна, икки оҕолоро уонна сиэннэрэ Горнай оройуонугар бааллар.