Лыткин Гаврил Иосифович (1919-1943)

1919 с. I Өспөх нэһилиэгэр төрөөбүт.

1942 с. бэс ыйын 28 к. Чурапчы райвоенкоматынан ыҥырыллан сэриигэ барбыт.

1943 с. атырдьах ыйын 4 к. сэриигэ Белгород кыргыһыытыгар Октябрьскай оройуоҥҥа өлбүт.

Сэрии иннинэ “Кыһыл Сардаҥа” колхозка үлэлээбит. Кэргэнэ Екатерина Михйловна Копырина, кыыһа Акулина, быраата Алексей Михайлович Копырин Уһун-Күөлгэ олороллор.

Лыткин Егор Александрович (1921-?)

1921 с. төрөөбүт.

1942 с. бэс ыйын 25 к. сэриигэ ыҥырыллыбыт.

Сэриигэ барыан иннинэ “Кыһыл Сардаҥа” колхозка үлэлээбит. Кэргэнэ суох. Быраата  П.А. Лыткин оҕолоро Уһун-Күөлгэ олороллор. Элбэх оҕолордоохтор, сиэннэрдээхтэр.

Лыткин Николай Алексеевич (1921-?)

1921 с. төрөөбүт.

1941 с. атырдьах ыйын 15 к. сэриигэ ыҥырыллыбыт.

Сэриигэ барыан иннинэ учуутал техникумун 2-с курсугар үөрэммит (РАФФАК). Кэргэнэ суох. Аймахтара Копырин Н.К., оҕолоро Кэптэнигэ, Бороҕоҥҥо, Чурапчыга олороллор.

Ушницкай Гаврил Михайлович (1919-?)

1919 с. төрөөбүт.

1942 с. балаҕан ыйын 9 күнүгэр сэриигэ барбыт.

Сураҕа суох сүппүт.

Сэриигэ барыан иннинэ “Кыһыл Сардаҥа” колхозка үлэлээбит. Кэргэнэ суох.

Сивцев Дмитрий Иванович (1924-1989)

         I Өспөх нэһилиэгэр 1924 с. төрөөбүт. Дупсун  7 кылаастаах оскуолатын бүтэрбит, 1940 с. Комсомолга киирбит. Салгыы Мүрүгэ 9-с кылааһы уерэнэн бутэрбит. Сэттэ сыл кэриҥэ комсомольскай тэрилтэ секретарынан үлэлээбит. 1942 с. ааҕap балаҕан сэбиэдиссэйинэн үлэлии олорон Кыһыл армия кэккэтигэр Чурапчы райвоенкоматынан ыҥырыллыбыт. Армияҕа 1910-с истребительнай танканы ытар 76 мм.пушкалаах артиллерийскай полкаҕа наводчик быһыытынан Японияны утары сэриигэ кыттыбыта. Сэрии кэнниттэн салгыы Армияҕа сулууспалаабыта. Ити кэмҥэ батарея комсомольскай тэрилтэтин секретарынан улэлээбитэ. 1945 Михайлов илии баттааһыннаах комсомол Киин Комитетын грамотатынан наҕараадаламмыта. 17-с армия командованиетыттан үс төгүл байыаннай значоктарынан наҕараадаламмыта. «За отличную артиллерийскую стрелбу», «Отличный артиллерист», «Отличник РККА». Биир төгүл бастыҥ артиллеристар слеттарыгар сылдьыбыта.

1946 с. Катюша сэбилэниилээх 35-с отдельнай гвардейскай минометнай Смоленскай куорат аатынан ааттаах Богдан Хмельницкай орденнаах дивизиоҥҥа түбэһэн расчет командирынан сылдьыбыта. 1947 с. демобилизацияланан дойдутугар эргиллэн кэлбитэ. «Аҕа дойду сэриитин II степеннээх орденынан, «Японияны кыайыы иһин», «Бойобуой үтүөлэрин иһин» мэтээллэринэн наҕараадаламмыта.

Сэрии кэнниттэн 1947 с. холкуос суоччута.

1948 с. с/совет секретара.

1949-1950.cc. ыччат биригээдэтин звеновода, хонуу биригэдьиирэ.

1950-1951 сс. колхоз суоччута. Дьокуускай куоракка бухгалтердар курстарын бутэрбитэ.

1952-1955 сс. Горнай оройуонугар Бэрдьигэстээххэ суол учаастагар старшай бухгалтерынан үлэлээбитэ.

1955-1956 сс. Бороҕонҥо бухгалтердаабыта.

1957 с. Томпо улууһугар Хаандыга бөһүөлэгэр өрүс пароходствотыгар кылгас кэмҥэ үлэлээбит.

1960 с. Уһун- Күөл ревизиялыыр комиссиятын

чилиэнэ.

1961-1962 сс. Тулуна биригээдэтин суоччута.

1963-1967 сс. Уһун -Күөл биригээдэтин сүөһүгэ биригэдьиирэ.

1968 с. ревизиялыыр комиссия председателэ.

1969 с. тутуу булгахтера, Биэттэ биригээдэтигэр cүөһү биригэдьиирэ.

1971 с. 6 ыйдаах салайар кадрдар курстарыгар уерэммит.

1973-1975 сс. колхоз тутуутун старшай прорабынан Кэптэнигэ улэлээбит.

1977 с. Кэптэнигэ экономист.

1978-1979 сс. пенсияҕа тахсыар диэри кылаабынай экономист.

1979-1980 с. Уһун-Күөлгэ cүөһү биригэдьиирэ.

1980-1984 сс. Уһун-Күөлгэ кыладыапсык.

Сивцев Д.И. 1989 сыллаахха Уһун-Күөлгэ олорон уһуннук ыалдьан өлбүтэ. Икки уол, түөрт кыыс оҕолордоох. Кини олоҕун оҕолоро, сиэннэрэ салгыыллар.