Подробнее...

Aga дойду Улуу сэриитин кыттыылааг]а, алта бойобуой уордьан толору кавалера, гвардия майора Дмитрий Данилович Оллонов биир дойдулаахтара — Туулээх нэЬилиэгин олохтоохторо, чулуу буойун албан аатьшан тумус туттан, кини бойобуой суолугар сугуруйэн туран бы райы акпы ты гар кыттыЬаллар. Оной билигин биЬиги кэккэбитигэр баар сэрии бэтэрээннэрин ытыктаан, кинилэр ыра санаалара туолуутугар куус-кеме буоларга бары нэЬилиэкгэр олохтоохторун ьптыраллар.

Бэтэрээннэргэ кемену "Россельхозбаан" 4353 0300 58881329 №-дээх каартатыгар ханнык баҕарар баан каартатыттан ыытыахха сеп. Сиһилии 8-967-926-86-48 нуемэргэ эрийэн билсиҥ.

Ольга ШЕПЕЛЕВА, суруналыыс. /Мүрү саһарҕата, муус устар 4 к. 2021 с.

Күндү хайыаппыт аадааччылара, утуе сонуммутун эһигини кытары уллэстиэхпитин баҕарабыт. Нам улууһун Арбын нэһилиэгин олохгоохторо, дьаһалта баһылыга Борис БУГАЕВ бу нэһилиэктэн торугтээх, Найахы ытык кырдьадаһа, сэрии бэтэрээнэ Николай Николаевич Иванову өйөөн, “Бэтэрээн ыра санаата" бырайыакпытыгар кыттыстылар. Онон улуус иһиттэн тахсыбыт бырайыакпыт үтүө санаа, ытыктабыл, сүгүрүйүү бэлиэтэ буолан, бука барыбытын түмэр.

Бэтэрээннэргэ көмөну "Россельхозбаан" 4353 0300 5888 1329 №-дээх каартатыгар ханнык баҕарар баан каартатыттан ыытыахха сеп. Сиһилии 8-967-926-86-48 нуемэргэ эрийэн билсин. “М С ’кэрр.

1942 сыллаахха хос эһэм сааскы ыһыы кэнниттэн аармыйаҕа бэбиэскэнэн барбыта. Бурят-монгол сиригэр тиийэн саперынан үлэлээбитэ. Миинэни эһэ сылдьан, алҕас атаҕар улахан эчэйиини ылбыт. 1946 сыллаахха дойдутугар эргиллэн кэлбит. Сэрии кэнниттэн сайын от оттооһунугар, кыһын от тиэйиитигэр сылдьыбыт. Кэнники пиэрмэҕэ бостууктаабыт. Үүт массыынатыгар үүт таһааччынан уонна икки кэнники сыл убаһа аһатыытыгар үлэлээбит. Хос эһэм 1953 сыллаахха ыал буолбута, үс уол оҕолоох. Мин хос эһэм Петр Алексеевич Танасов Японияны утары кыргыһыыга хорсуннук сэриилэспит буойун буолар. Элбэх мэтээллээх, махтал суруктардаах. Кини 27 мэтээлэ билигин Танда мусуойугар хараллан сыталлар. Мин хос эһэбинэн киэн туттабын! Хаһан да сэрии буолбатын!!! 

Квантунскай аармыйа хас да тоһууру үлтүрүтэ сынньан испиттэрэ. Япония аармыйатын командованиета маннык үрдүк хайаны нөҥүө түһэн уонна кумах куйаарынан ханнык да бэйэлээх тиэхиньикэлээх, ханнык да аармыйа кыайан кэлэр кыаҕа суох диэн ааҕынан олорбуттар эбит. Атырдьах ыйын бүтэһигэр Япония квантунскай аармыйата өр сыллар усталарыгар күүскэ бөҕөргөтүммүт Чжанцзякоу (Калган) диэн улахан куораттарын “Хинганскай полк” подразделениета элбэх хаан тохтуулаах кыргыһыы кэнниттэн куораты ылбыта. Хас да хонон баран, Япония империалистара сэриигэ кыайтарбыттарын, капитуляция оҥоһуллубутун туһунан бирикээһи ааҕан билиһиннэрбиттэр. 1950 с. демобилизацияланан, төрөөбүт дойдутугар Бороҕоҥҥо эргиллэн кэлбит уонна Уус Алданнааҕы ИДьМ отделениетыгар милииссийэнэн үлэлии киирбитэ. 1976 с. капитан званиелаах биэнсийэҕэ тахсыбыта. Үс кыыстаах, 12 сиэннээх, хос сиэннэрдээх. Мин хос эһэм Аҕа дойдуну көмүскүүр сэрии II-с истиэпэннээх уордьанынан, “Японияны Кыайыы иһин” мэтээлинэн, И.В. Сталин махтал суругунан, о.д.а. үбүлүөйүнэй мэтээллэринэн, ССРС “ИДьМ милиция туйгуна” бэлиэнэн наҕараадаламмыта. Хос эһэм туһунан эбэм миэхэ олус элбэҕи кэпсиир. Мин кининэн киэн туттабын, эһэбит биһиэхэ куруук холобур буола туруо!

Наталья РУМЯНЦЕВА, Мүрү 2-с №-дээх орто оскуолатын 8 “а” кылааһын үөрэнээччитэ.

/Мүрү саһарҕата, кулун тутар 12 к. 2021 с.